Versículos Bíblicos Populares relacionados a ኀበ ሰብአ ተሰሎንቄ 2 2

Compartilhar

አልቦ ዘያስሕተክሙ ወኢበምንትኒ እስመ ኢትመጽእ ይእቲ ዕለት ለእመ ኢቀደመ መጺአ ዘየሀውክ ወይትከሠት ብእሴ ዐመፃ ወልደ ሕርትምና።

ወንሕነሰ አኀዊነ ርቱዕ ናእኵቶ ለእግዚአብሔር ዘልፈ በእንቲኣክሙ እለ አፍቀረክሙ እግዚአብሔር እስመ ኀረየክሙ ወተሣሀለክሙ እግዚአብሔር ርእሰ ሕይወት በተቀድሶ መንፈስ ወበሃይማኖተ ጽድቅ።

ዐላዊ ወሐሳዊ ዘያዐቢ ርእሶ ወይብል ለኵሉ አነ ውእቱ እግዚአብሔር አምላክ ወይነብር በቤተ እግዚአብሔር ወይሬሲ ርእሶ ከመ እግዚአብሔር።

ወውእቱ እግዚእነ ኢየሱስ ክርስቶስ ወእግዚአብሔር አቡነ ዘአፍቀረነ ወወሀበነ ፍሥሓ ዘለዓለም ወተስፋ ሠናየ። ጸጋሁ ውእቱ ያስተፍሥሕክሙ ልበክሙ ወያጽንዕክሙ በኵሉ ምግባር ወበኵሉ ቃል ሠናይ።

ወበእንተዝ ይፌኑ ሎሙ እግዚአብሔር ኀይለ መስሕተ ከመ ይእመኑ በሐሰት።

ወምጽአቱሰ ለዝንቱ በኀይለ ሰይጣን በኵሉ ኀይል ወትእምርት ወመንክር ዘሐሰት። ወበኵሉ አስሕቶ ዘኀጢአት ለሕርቱማን እስመ ኢተወክፉ ፍቅረ ቃለ ጽድቅ በዘየሐይዉ።

እስመ እከየ ምክረ ኀጢአት ወድአ ይትገበር በላዕሌሁ ወዳእሙ ይእዜሰ እኁዝ እስከ ይትኀደግ እማእከል።