Versículos Bíblicos Populares relacionados a ሮሜ 3

Compartilhar

ኣሲ ዎይ ናጋራ ኦ̈ኔ፤ ጾ̈ሳ̇̇ ቦንቺ̇ን ኢንታ ጋልዳፖ ፋኪ̇ኔ። ዪዚ ዬሱ̈ስ ክርስቶ̈ሲ ኣስ ፋንዳቦ ማስቃላ ጋልዳ ዓይቂ̇ኖ ዓይቂንባርኬ ጾ̈ሳ̇ ካንንባር ኣባክ ጪጋካ̇ይ ሜላ̇ ዓሪ ጺሊ̇̈ሬ።

ዪኖ̇ ጺሊ̇ቲን ጾ̈ሲ ኦ̈ናካር ኣስ ፋጋካ̇ይዶር ዬሱ̈ስ ክርስቶ̈ሳ ኣማ̇ኒዛን ዎይንቦ ኢሚ̈̇ሬ።

ኢያ ኣማ̇ኒኖ ኣሳን ዎይ ኢ ሱ̈ባር ኢንታ̇ ናጋሪን ኢንታ̇ብ ኣቶ̇ ጌዪንታ̇ምፔ̈ኒ ጾ̈ሳ̇̇̈ዲ ዬሱ̈ስ ክርስቶ̈ሳ ዣርሻ ኣ̈ ኢሚ̇ኔ። ጾ̈ሲ ዪኖ̇ ዎቲኖንዳ ኢ ፌ ዳንዳኣባራ ሚን ኦ̈ንቲ̇ኖ ናጋራን ባዮ̈̇ዲፌ̈ን ማሃር ፋይዳሪ ኢ ኪን ፊርዳ ፊርዲ̇ዛ ማ̈ቂ̇ኖን ቤይሳንዳ̇ቦ። ዎቲናካር ዓቶ̇ ኬ̈ሊንባራ ኢ ፌ̈ ጺሊ̇ቲን ቤይሲዛ̈ዲ፥ ዬሱ̈ሳ ኣማ̇ኒኖ ኣሳን ጺላ̇ ማሃዝ ጎይንባራ።

ዪ̈ኮታ̇ቦ ኦ̈ናካር ኣሲ ጾ̈ሳ̇ ቲ̈ን ሂጊ̇ን ጋ̈ዚን ኦ̈ ፎታ̇ሪ ጺሊ̇ባ̈ሴ፤ ሂጊ̇ንዳ ኣሲ ዎይ ናጋራቻ̇ ማ̈ቂ̇ኖን ቤይሳ̈ሬ።

ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ኒ፥ “ጺላ ኣሲ ኦ̈ናካር ባዬ̇፤ ሜላ ኣቲን ፔታ̇ናር ባዬ̇። ቆፒ̇ዝ ኣሲ ባዬ̇፤ ጾ̈ሳ̇̈ ኮዪዝ ኣሲ ፔታ̇ና̇ር ባዬ̇። ዎ̈ይን ባሊቲ̇ኔ፤ ዎይን ዎልኣ ፔታ̇ን ማዲባሶ ማ̈ቂ̇ኔ። ኮሽ ባዝ ኦ̈ዝ ኣሲ ኦ̈ናካር ባዬ̇ ሜላ ኣቲ̇ን ፔታ̇ናር ባዬ።

ጾ̈ሲ ኣስ ጺላ̇ ማሂዛ̈ዲ ኣሲ ሂጊ̇ን ጋ̈ዚን ፎቲኖ ጊሽ ጊዳካ̇ይዶ̈ን ኣማ̇ናባር ማ̈ቂ̇ኖን ኑ̈ኒ ኤሪ̈ሬ።

ዉ̈ርሳ ካያባሴ! “ኔ ሶ̈ላዝ ቃ̈ሊንዳ ኔ ኪን ማ̈ቂ̇ኖን ኤርሳ̈ሬ፤ ኔ ጻላ̈ታዳር ኔ ሞ̈ታ ዎ̈ሬ” ጋ̈ሪ ጻ̈ፊንቲ̇ኖንዲፌ̈ን ኣሲ ዎይ ዎርዳ ማ̈ቂናካሬ ጾ̈ሳ̇̇̈ዲ ኪን ማ̈ቂ̇ኖን ኤሪንቶ̇።