Versículos Bíblicos Populares relacionados a Matewuji 24

Compartilhar

Na mwasa oindjiva irana jinakondiha malamulo, tempu yenno mwilamboni zivelana wanna mutu na nfwaye unoza udidile. Mbwenye mutu wenno unavilele ante magomelo wa makatamiho anno, unovulumuwa.

Eto Muselu Wapama ula wa muUmweneni unolaleyiwa mwilamboni mwatene eto unohidedeliwa umboni mwa malogo matene. Jaireya eno, pinafuna zaga makutulo.>>

Eto munoza muvwege zela ja kondo na ja fe fe fe ja kondo. Mbwenye inafwanela muing'anele pama ira mwahakukumuwe mwasiwa ili yofuneya ira jatene jejo jiireye. Mbwenye mwaona jeji jiireyaga, kahi magomelo wa ilambo nari.

Mwasiwa nlogo nimohi nnoza nivenye ira niwanege na nlogo nfwaye, umwene unoza uwanege na umwene nfwaye. Eto mamburo madjindji munoza mufwanyeyege ndala eto munoza mukale vindarandara pandi didjindji dene da ilambo. Mbwenye jatene ejo jaza jiroma ireya, wewo unakala maromelo wa goyi nnafuna atu ona nnga muhiyana aromaga wene ona upa obala.

Zulu na ilambo ya vati jinoza jivire, mbwenye mazwaga kiza kamala.

Mwasiwa atu adjindji anerege za kavikalihege nnga miyo, kawongege kerege: <Miyo dili Kiristu>, kahali. Eto anofiyeda anyenga atu adjindji.

<<Aliwa anerege ugulihani ira muonihiwe goyi eto anerege upani. Atu a malogo matene anerege uidani nyo na mwasa wa nzina naga. Tempu yenno atu adjindji anoza kaperuwe eto anoza kagulihanege mmohi na nfwaye eto anerege idana mukalele atu. Eto anoza kakumelele anamafiyiheda adjindji onama. Aliwa anerege aholotcha atu adjindji.

Evale Yesu ohawakulaga, liye roma awandela eraga: <<Polre polre tawiha ira munaze mmuhare mutu ouholotchani.

Na nyenne inafwanela mukale okozeyene. Mwasiwa Mwana wa Mutu unaza afiye tempu yahanadediha nyo.>>

<<Nona inafwanela mukaleve orurumuwene. Mwasiwa nyo kamuiziwile siku nnafuna za Nabwiya wenyu.

<<Mbwenye kalivo uiziwile oriwa nne siku nnafuna za Mwana wa Mutu. Nne angelro anakala zulu, nne miyo Mwanaye. So uiziwile gu Baba mwinnya bahi.

Mwasiwa anoza kakumelele akiristu onama na anamafiyiheda onama. Aliwa anerege irana jionihedo na jotikiniha johokala ja masika ira kaanyengege atu. Eto jakala jowandeya anerege fiyeda anyenga atu osakulriwa na Mulugu.

Tchoira nnga jaireyile tempu ya Nowe, ti jejo jinafuna za ireya mazelo a Mwana wa Mutu. Mwasiwa tempu ya Nowe atu kodja, kong'wa, alombwana na ahiyana kotelana, fiyeda siku Nowe avolowile liye mmwadeyani. Aliwa tchaiziwile yengo tchivi yafuna za ireya, fiyeda za mahindje madjindji. Evale mahindje kagazile, kohomala atolotcha atu atene. Eto siku nnafuna za Mwana wa Mutu jinaza jiireye eno.