Versículos Bíblicos Populares relacionados a Mar 12

Compartilhar

Yezu tɔ́n pɛ nɛ: – Dí-pɛ mɛn a sii bɛ́ kaka á la ǹ miãn manɛ, bɛ n ka kɛ nɛ: «Izirayeli minin lɛn, ka n too kɔ: Dɛnaa, wɔa Lawa lɛ n Dɛnaa Lawa lɛa, goon toto . N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ .» Dí-pɛ lɛ a paabaa ǹ wɔ mɛn a sii bɛ́ kaka, bɛ n ka kɛ nɛ: «N miã kɔsɔ dɔ narɛ ka n bɛ́ n din narɛ lɔn.» Dí-pɛ kɔ́n banban á n kaka á la bɛa màn paa kɛ-n wa.

Yezu tɔ́n a kialandɛnan bíi, á pɛ ǹ nɛ: «Man pii ka nɛ sonbore: Lɔ giɔɔrɔ doobaa kɛ màn mɛn da a nɛ, á la min din tumaa wɔ nɛ. A giala, gialakunun kɛn maǹ nə́ màn bɔ ǹ gɔn màn gigiã kɛ nɛ, ǹ nə́ da goo lɛ nɛ. Sɛnɛ, lɔ kɛ sɛ na á ná a doobaabaa ǹ wɔ din tumaa saa á da a nɛ, a bɛ́ n din toe ka màn mɛn nɛ ke lɛn.»

Bɛ kio, Yezu giã tán Lawa gɔ ǹ wɔrɔ kaa ǹ goo yɔrɔ-a, á ga minin wɔrɔ da goo ne ǹ gɔn ganaa. Pàãma gigiã wɔrɔ gole da a nɛ. Lɔ giɔɔrɔ doobaa goon daa á wɔrɔ we bisin paa kaa a nɛ, bɛa wɔrɔ lɛ a kiɛ̃ taman goon la wa.

Bɛ lɛ na á toa, min doamaa nɛ a Lawa narɛ ka a foo din tumaa nɛ, ka a yiri din tumaa nɛ, ka a pàã din tumaa nɛ, a doamaa nɛ a ǹ miã kɔsɔ dɔ narɛ ka a bɛ́ a din narɛ lɔn. Bɛ á soɛ parsiini á la *wúlu màn tiɛ̃ laanka wúlu tɔrɔ kɔsɔn tumaa nɛ, ǹ bɛ́ ǹ mɛnɛn koe Lawa nɛ.»

Yezu tɔ́n pɛ ǹ nɛ: «Màn mɛn bɛ́ Kii wɔ lɛa, ka bɛ kɔ Kii la. Màn mɛn dɔ bɛ́ Lawa wɔ lɛa, ka bɛ kɔ Lawa la.» Bɛa boo lɛ kaãbaa da ǹ ganaa parsiini.