Versículos Bíblicos Populares relacionados a KĨAMBĨRĨRIA 50

Compartilhar

Inyuĩ-rĩ, mwacirĩire kũnjĩka ũũru; no rĩrĩ, Ngai aacirĩire ũndũ mwega woneke, nĩ getha gũtuĩke o ta ũũ gũtariĩ ũmũthĩ, nĩguo andũ aingĩ mahonokio matũũre muoyo.

Nake Jusufu akĩmera atĩrĩ, Tigai gwĩtigĩra, nĩ ũndũ-rĩ, kaĩ arĩ niĩ ndĩ ithenya rĩa Ngai?

Tondũ ũcio menyai mwĩtigĩre; nĩ niĩ ndĩrĩmũheaga irio cia kũrĩa, inyuene o na ciana cianyu. Agĩkĩmahoreria, akĩmaarĩria ndeto njega.

Ĩrai Jusufu ũũ: Ndagũthaitha ũkirĩre ariũ a thoguo ihĩtia rĩao, o na rĩĩhia rĩao; nĩ ũndũ ti-itherũ nĩmaagwĩkire ũũru. Tondũ ũcio, rĩu twagũthaitha ũtũkirĩre, ithuĩ ndungata cia Ngai wa thoguo, ihĩtia rĩu riitũ. Nake Jusufu agĩgĩitĩka kũrĩra maaria nake.

Ningĩ Jusufu agĩkĩĩra ariũ a ithe atĩrĩ, Ngiriĩ gũkua; no rĩrĩ, ti-itherũ Ngai nĩagoka kũmũrora, na nĩakamũruta bũrũri ũyũ amũhire bũrũri ũrĩa erĩire Iburahimu na Isaaka na Jakubu na mwĩhĩtwa.

Jusufu agĩgĩtũma ciana cia Isiraeli ciĩhĩte, agĩciĩra ũũ: Atĩrĩrĩ, ti-itherũ Ngai nĩagoka kũmũrora, na inyuĩ-rĩ, hĩndĩ ĩo nĩmũgakuua mahĩndĩ makwa mũmarute gũkũ.

Jusufu agĩgĩkua aninĩte mĩaka igana na ikũmi; nao magĩthondeka mwĩrĩ wake na mũthaiga wa kũgiria ũbuthe, agĩgĩĩkĩrũo ithandũkũ rĩa gũthikwo narĩo o kũu Misiri.