Versículos Bíblicos Populares relacionados a IMAMAT 19

Compartilhar

Ja' males sake' ate ka oreng ban ja' baji' ka oreng laen, tape taresnae sasamana pakantha taresnana ba'na ka aba'na dibi'. Sengko' reya PANGERAN.

Ba'na ja' alokae kole'na kaangguy masange dha-tandha otabana alokae badanna menangka tandha ja' ba'na sossa polana kapateyan. Sengko' reya PANGERAN.

Dhabuna PANGERAN ka Mosa, “Kabala ka ommat Isra'il Tang parenta reya: Ba'na kodu socce, sabab Sengko', PANGERAN Allahna ba'na, socce.

Ja' nyempen sake' ate ka sapa'a bai. Mon ba'na atokar ban sapa'a bai, pamare gallu orosan jareya, me' olle ba'na ta' dusa polana oreng laen.

Ja' menta babala'an ka dhukon se ahubungan ban arrohna reng-oreng mate. Mon ba'na ngalakone jareya, ba'na najjis. Sengko' PANGERAN, Allahna ba'na.

Ja' mabalattra petenna e antarana reng-oreng sabangsana ba'na dibi', me' olle ba'na ta' daddi lantaranna matena sasamana. Sengko' reya PANGERAN.