Versículos Bíblicos Populares relacionados a KALOWARAN 5

Compartilhar

Mosa ban Harun pas ngadhep ka rato Messer, laju mator kantha reya, “Badha dhabuna PANGERAN, Allah se esemba Isra'il; dhabuna kadi ka'dhinto, ‘Dina Tang ommat me' olle entar ka ra-ara beddhi, me' olle mabadha paraya'an menangka baktena ka Sengko'.’ ”

Sabab ngabidi abdidalem ngadhep ka rato manapa'a dhabuepon Junandalem, reng-oreng Isra'il eseksa sareng rato. Dineng Junandalem ta' apareng partolongan sakale.”

Daddi Mosa laju ngadhep ka PANGERAN pole, pas mator, “Guste, aponapa Junandalem me' nyeksa ommadda epakadi ka'dhinto? Aponapa abdidalem me' epakon ka ka'dhinto?

“Sapa PANGERAN jareya?” dhabuna rato Messer, “Arapa'a sengko' me' atoro'a ka parentana, ngedinana oreng Isra'il kalowar dhari dhinna'? Sengko' ta' tao ka PANGERAN jareya, ban sengko' ta' ngedinana oreng Isra'il kalowar dhari dhinna'.”

Tape bannya'na bata se kodu ekagabay ta' olle korange, kodu paggun papadha ban ban-sabbanna. Reng-oreng jareya males, daddi terros menta edi ka sengko' entara ngeba kurban ka Allahna! Tambai lakona, paberra', sopaja reng-oreng jareya ta' sempada ngedhingngagi cacana reng-oreng se lecegan.”