Versículos Bíblicos Populares relacionados a ÙRÙM 2

Compartilhar

Hit nerùgì nagaiya'lak yì. Hit en, it aike weak hagatenem ùkùm inoba hìkì logolìk he, hinokawerek hogo re, it hagarì'lùgì hagat hinom higirat hagatì lagep yì rì! Hit hina'la nen he, “Ala nen ùkùm ninoba hìgì'lek herakhinegein,” ìlùk akìkì lagep a? Lek o. Ùkùm hinoba hegeinat o. “At Ala oabùt hano motok, enago lìoksek,” ìlùk, hina'la meathìkì lagep a? Hit hina'la nen he, “Ala oabùt hano nen nit weak hagatì lago mene heraksìlìk ninoabùt hebelasuagalùk, nina'la kagalherek,” ìlùk hinokot nogo? Hineluat o.

Atì halok he, hit nerùgì nagaiya'lak yì. Ùkùm it aike nek inoba hìkì logolìk he, hit hinokawerek hinoba nokolasak mea o. Atì'nogo ùkùm it aike inoba hìkì logolìgat he, hit en it hinom higirat hagatì lagep yoma rì! Hinokawerek en ùkùm hinoba motok hakìkì lagep o.

At Ala re, apùnì inogat oba nek eileken isìlìk, aike elokoma hisìgìk, aike apotma hisìgìk, ikerek lek atì nen be, it apùnì aike inoabùt weak hagato motok welagaikarek mene inebe lopok he, heinet warogo yì aik tì aik hoagalùk hagarinabigin. Meneat he, it apùnì aike inoabùt hano hagato welagaikarek mene, inebe lopok he, inebe hogorinaparek mene mel, agaugerinaparek mene mel, inetaùken hapuk hogo welagaikarek mene mel, wogisegein. Atì'nogo hagarinabigin atì re, it alep mene hake Yahuri mene mel, hobuk mene hake, Yunani mene inùkùl etage lopok aike mel, inomat, higit hogo nek hagarinabigin o.

Wene Ala nen ninasuk wasike wene a'nogo inelu atì ba, ùkùm inoba mene korogo wokhikerek hùk. We, wene ebe ninasuk wasike mene higit hogo hagatarek mene halok, ùkùm inoba mene korogo wokhikerek o.

Inane hologo hinoabùt hebelùhùk yì rì! O elùgùn oba Ala a'mage lagalìk he, apùnì inebe lopok inoabùt hagatarek higit hogoat, weinamat ùkùm inoba hìgìk, kotìk, igin atì like, hit ùkùm hinoba houagalùk hinokawerek en ùkùm hinoba hakiko motok welagep yì rì!

Atì'nogo meneat he, it apùnì o'moko nen inokawerek hesik enek hagatì logolìk, ebe wene ikenem inasuk hologo hagatì'lek heraksìlìk, weak wene nek inasuk hologo hagatarek mene atì, Ala a'mage heperìlìk ùkùm hùkorogo inoba hegein o.

Inane hologo hinoabùt hebelùhùk yì rì! O elùgùn oba Ala a'mage lagalìk he, apùnì inebe lopok inoabùt hagatarek higit hogoat, weinamat ùkùm inoba hìgìk, kotìk, igin atì like, hit ùkùm hinoba houagalùk hinokawerek en ùkùm hinoba hakiko motok welagep yì rì!