Versículos Bíblicos Populares relacionados a Provérbios 28

Compartilhar

Jeta gosi pógu dasocáringome cuchade udore ga a ca gosi chise cuchade udore omitigárique jne. Mu ujetiga gosi chatata dasoca noñatígo udore jne enga gosi cha pésu udore, ga a ca jnusinápo dadode udore jne rĩ uje a Dupade chicadígui uté isoca gajnaréngone udore jne gu.

Táyipiegode ore u uje jé ore angurenenie u dáyipie noñánguenie ome raque ga que ore tangári dojórique ayoré uru quitique. Mu a ueradi tu jeta gosi chucué ayoré áyipierã́tique ga tangári uté gosi uru quitígo ome re. Ga a ca pujuréraque chisápo uté gosi jne rĩ uje que dopoi dáyipie qui casidica quigode rĩ.

Ayoré táyipiegode ore todo dejode jeta ayorérique chiraja ore ome ore atique ga jecucha ore chayo mu que pajnaque ore enga cachi bayaque ore. Jé basa ayoré ate arégode que ore chayome cuchárique. Ga jé ore chopísome caraté quedéjnanie uje que chayome dojórique cuchiso.

A pininaquei gajnesṍri tu gosi jeta angoninguite guesaguipísome Dupade. Jé basa ga a angoninguite parigode a ore angoninguite paritigade chajni ore gáyode enga chinguíra ore aja jnumone.

Ujetiga gosi chatapísaja jmatágode ga a ca cuchárique chona uté gosi jne. Mu a Dupade cho darúja gosi jne ujetiga chiraja uje jmataque dojórique ayoré mu que chajire uté yúrique, enga que chisi ome uté utaidi cucha ome.

Uje yoquijõrárique chicota yóguiji taningai enga yoquirasique yógome uté icotaquéode ome yoque. Mu jeta yoquijõrárique chaquĩ́ra yógome cuchárique ga que yoquirasigápo yógome uté aquĩraquéode ome yoque rĩ. Mu a chise dínique jne jeta yimóngo yocaquĩrasṍri casica uje sué yoquicotangóri casé gai ga quene yoquirasique yoque to ome uté adode ome yoque.