Versículos Bíblicos Populares relacionados a Provérbios 17

Compartilhar

Ujetiga yoquijorámetique cuse enga jecucha ga yoquirasique ñane, enga que yimójo ñane isocárique. Enga uje páyuguhebátigade chise yoque, ga yoquijorane udore cháta cuchade aja yoque iji yocáyuguhebátigade jmainie, enga ore osongaquéode suépise yoquẽrópisedie, yoquesaguipísode ore osongaquéode gáyode ome yoque.

Pitijínaquéi chopise cucha bisitígome gosi. Mu ujetiga gosi áyuguhebátigai nápisaja jnumi enga que chise dacaniratiguérique gotique.

Ujetiga gosi ujórique ayoré cho damajo marínga, gosi chedu dajnoraquei ome enga jogadi u uje uté gosi cha dajei dotáningane enga jé u uje chopise dajõrai iji damajo casica. Mu ujetiga jé ca gosi chicadígui dojórique ayoré uru dosótigo ome re enga cho jetiga gosi jé chucuase dajõrárique iji quedéjnane gatuaque ome re, enga cho jetiga ore cãrápisa daquigode ome ñane.

Obiréjnapise ayoré áyipierane uje darájma ore ga ore cho paraque gatuac. Obiréjnapo irajatade ore rĩ uje ore cho paráguiji cuchade jmainie.

Ujetiga turuturé ayorérique marínga, ore cho ayoré áyipieránguiji uje cho paráguiji dayaridode gatuaque, ga que pijoque úringai turuturé.

Ujetiga jnanírique jogasui ore chedu arureque uajádode úringane piboso mu pijnoraquei dépisiji udore ome ñane enga uté gosi irasitigai suépise ayoré ugucharane ore gáyode ome darasitigai, uje ore posode jiépisi mu que ore chise ñane unétique iji daguíjnai.

Pipojnaquéode gajnui tu jeta ayorérique pésu dajuyaquérique aja yote bayátique iquénique ga yodi tuté chusaque ujuyaquei ga chayója quedéjnarique iji uéchai, enga chejna daqueminórone cucha jnese. Mu ujetiga ayorérique doi enga suru yodi garani iji ore ujuyaquei tuté enga e que yodi chayóji uéchai enga que chejna cuchade iji uéchai. Ga adi jé u to ome pipojnaquéode. Ujetiga gosi jĩraque cha dájningai ome dojórique ayoré ga jé gusu iji te. Mu ujetiga ca gosi cha dájningai ga chimate raja pocaningárique ome dojórique ayoré ga ore socárome ñane enga ore ájningai e chajnerame re.

Pangarádejnai chetaguipise pisoca gárode udore jnese: jõrai u uje ore cho dajuñame ayorérique bisideque uje que bárique cucha cuse mu. Uñai upo rĩ uje ore chirajapise ayorérique atique mu que ore cho dajuñame uté ga ore chirógaja doi bisideque.