Versículos Bíblicos Populares relacionados a Matéo 22

Compartilhar

Jesús chojningame uté: –Ujñapetai u uné uje chojninga: "Ajnorapise bangaráni Dupade ome báringai ayoré jnese. Enga ejnápise báyipie, betotiguei ore aja." Iroquei bajai u uné uje sué iroqué uñane gáyode jnese. Iroqué ejoi jé cho bajai uje chojninga: "Ajusípise bojórique ayoré guio. Gajnui tu uje bajuse beo to."

Moisés urusarane Dupade iroquéo garanone u iroqué gáreode unojo jnese. Dupade uruode atatasórone, jnani bajade, ore acajnaquéode garanone jé upo unojo to rĩ.

Yojningai u uje Dupade ibididigode uásejna, mu ajegaidode garósi.

Uacamóño uje a togode ore ecápo jne rĩ, enga a ca ore nonapo chequéraque jne rĩ iji gaté. Ore gajnúone u Dupade irógode, gaté unirisórone ore jne. Chamáñaje que gapu pisaguéraque déji ore ajénique gu.

Angoño pláta guebetique ome yu ujetiga po oré pasutéraque ome.– Jé u uje ore doi pláta guebetique uje i tu denário enga ore chingome. Uje Jesús chimo ore oidé pláta guebei enga chojningame ore: –¿Uñeque edoi unaji a? ¿Jé uñeque i upo udé rĩ a?– Ore chajnai enga ore chojningame: –Rómagosode ore asuté oré erĩ́e. Jecute i jé déji údi.– Mu Jesús chojningame ore: –Jé arec ujetiga asíñome rómagosi uté gajnepídi ome. Jé basa ga asíñome Dupade gajnepídi ome to rĩ.