Versículos Bíblicos Populares relacionados a MATIOSI 13

Compartilhar

He i tshi zwalwa ya wela mavuni avhuḓi zwi amba uyo ane a ri u pfa ipfi ḽa Mudzimu a ḽi ṱalukanya, a ita na u aṋwa mitshelo. Muṅwe a aṋwa ḓana, muṅwe 60, muṅwe 30.”

He i tshi zwalwa ya wela vhukati ha mipfa, zwi amba uyo ane a ri o pfa ipfi ḽa Mudzimu ḽa pwanyeledzwa nga u vhilaela nga zwa vhutshilo na u xedzwa nga u funesa lupfumo, a si vhe na mitshelo.

Ane a pfa mafhungo a muvhuso wa Mudzimu a si a ṱalukanye, ha ḓa Muvhi a tswa mbeu yo zwaliwaho mbiluni yawe – ndi ene ane a fanyisedzwa nga mbeu ye ya wela nḓilani.

Ye ya ri i tshi zwalwa ya wela lukwarani zwi amba muthu ane a ri u pfa ipfi a mbo ḓi ḽi ṱanganedza nga mbilu tshena, hone vhunga hu si na hune ḽa nga ṱoka midzi khae, ha lengi u wa. A tshi vho ṱhuphelwa ipfi ḽa Mudzimu na u tovholelwa ḽone u mbo ḓi gunea na zwenezwo.

“Muvhuso wa Mudzimu u fana na lupfumo lwo dzumbiwaho tsimuni lune muṅwe muthu a tshenuwa o lu wana, a dovha a lu dzumba henefho tsimuni, a takala lune a ya a rengisa thundu dzawe dzoṱhe a renga tsimu iyo.

Hone iṅwe ya wela mavuni avhuḓi ya mela ya vhuya ya shela thoro; iṅwe ṱhotshe ya vha na thoro dza ḓana, iṅwe 60, iṅwe 30.

Zwi litsheni zwi aluwe zwoṱhe hu vhuye hu swike tshifhinga tsha khaṋo. Musi hu tshi swika khaṋo ndi ḓo vhudza vhakaṋi uri vha thome u kuvhanganya mufhunga vha u vhofhe madzanda uri u fhiswe, ndi hone vha tshi ḓo konou kuvhanganya goroi vha i vhea ḓuluni ḽanga.’ ”