Versículos Bíblicos Populares relacionados a Efesus 2

Compartilhar

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow. Eng kalowiran itu ra'ica wuéna in tinawoi miow, anaé ra'ica wana esaan tou ka'i e ro'na tumirayo in owakna in esa.

Taan taloso wangko' eng kaupusan i Amang Kasuruan! Kita icaupus-Na keli, akar kita touen-Na sumawel mewali-wali wo si Kristus, mandé ka'i an tutuw itu kita ayandé tanuoka matéo ampa'paan ing kamesé-meséaanta. Siituo en upus aitambér i Amang Kasuruan en lumowir icamu.

Wo ampa'paan kita meesao wo si Kristus Yesus, kita tinou sumawel i Amang Kasuruan wo ailukut-Na an tampa pasiri-siriin mewali-wali wo si Kristus e merénta ang kerapi-Na an sorga.

Wo in taniitu, kamu sé tou ra'ica Yahudi ra'io ka'i tanu sé tou imanangkéi, taan intarépé' kamu imamualio tou le'nas wo ayuntepo am pamalé-Na. Icamu ayandé tanuoka im bangunan winangun am bawo im batu si aitulir é ruru'du'an wo sé nabi. Wo si Kristus Yesus ituo em batu kumataré-taré si tumombol pakasa im bangunan.