Versículos Bíblicos Populares relacionados a Kolose 3

Compartilhar

Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

Anaé, weroteno mangé in andumoro' sé an sorga wo tioo memero-merotke' in andumoro' sé ang kayo'baan.

Sapake' mangé en émaan iow, tawoieno mangé en itu ang karapi in lekep en até, meputéo kamu sumelewir a si Casuruan, ra'ica sumelewir sé tou.

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow. Wo sapake' mangé en émaan iow kuma'pa icua miow, émaano mangé waya en itu kumiit ing kasalé'an i Apo' Yesus, ang karapi i makua makapulu'sama' a si Amang Kasuruan, Amangta, ampa'paano i Yesus Kristus.

Wo si penting keli am pakasa in itu: meupu-upusano mangé kamu, ampa'paan en upus itu mengaéma' icamu meesa akar em paesaan iow itu wutu-wutul lekep.

Poo-poow, si Kristus itumouo sumawel, anaé kamu sé maéman ai Sia tanuoka aitou sumawel ang katouan weru mewali-wali wo Sia. Ampa'paano in itu rumaméjio mangé kamu mangéré andumoro' sé an sorga. Asi tampa itu si Kristus makalukut ang kakan i Amang Kasuruan.

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

Ampa'paan kamu tanu imatéo wo eng katouan iow aicaenep mewali-wali wo si Kristus ang karapi i Amang Kasuruan.

Taan intarépé', tiya'o waya sé kasalé-salé'an léwo' anio' ang katouan iow, menge'bo-nge'bow, mae'bow akar ing karangoan, mawasa-wasa in léwo' a sé tou walina, mengawuruk i ngaran é tou wo mawa'ba', en itu tioo kumesot am ba'ba' miow.

Tioo kamu mengatowo a si esa wo si esa, ampa'paan eng katouan uré wo em peri uré itu aitela'uo miow. Wo kamu intarépé' winéano ing katouan weru, wo em peri miow pemeru-merun i Amang Kasuruan si méma' icamu kiit ing gambar-Na, wosama' kamu wutu-wutul makatuus Sia.

Éi tuama-tuama sé kumawéngo, caupus angé si penanaanmu wo ra'ica toro mengakasar ai sia.

Éi toya-toyaang, pengakiiten angé em perénta é matu'a miow am baya-waya, ampa'paan siituo e mengaarui in até i Casuruan.

Éi wéwéné-wéwéné sé kinawéngo, male'te-le'teko mangé a si penanaanmu. Ampa'paan siituo si musti émaan é tou sé maémano a si Amang Kasuruan.