Versículos Bíblicos Populares relacionados a Римлянэнгэ 14

Compartilhar

пал-дова́ со Дэвлэ́скиро Кралипэ́н-дава́ исын на хабэ́н и пибэ́н, а чачипэ́н, рама́нё и ра́дыма пир Свэ́нто Ду́хо (Фа́но). Пал-дова́ со, кон адя́кэ дынаринэла Христосо́скэ, одова́ исын дрэ ра́дыма Дэвлэ́скэ и ёв исын мол шарибнаскэ манушэ́ндыр.

Палдава́, ко́ли амэ дживаса, амэ дживаса ваш Дэвлэ́скэ; а ко́ли амэ мэраса, амэ мэраса ваш Дэвлэ́скэ: а палдава́, ци амэ мэраса, амэ ўса́ды (сак) сам Дэвлэ́скирэ.

Тэды ява́са тэ причхувас зор тэ кэра́с дова́, со лыджа́ла кэ рама́нё (миро) и кэ екх екхэскиро ґалыибэ́н.

На ява́са буты́р тэ сэндякирас екх екхэ́с; нэ фэды́р ява́са тэ думинас пал дова́, сыр тэ на домэкас пшалэ́скэ тэ змарэлпэ дромэ́стыр, тэ на злыджас пшалэ́с кэ грэ́хо.

Палдава́ исын чхиндло́: “Мэ джива́ва, – ракирэ́ла Рай Дэвэ́л, – анги́л Ма́ндэ тэрдёна пэ чанга́ мануша́ кажнонэ́ родо́стыр и мануша́ пэ кажна чиба́ (чибья́) приджинэна, со Мэ сом Дэвэ́л.” Тэды кажно амэ́ндыр явэ́ла тэ отпхэнэл кокоро́ пал пэ́стэ анги́л Дэвлэ́стэ.

Манушэ́с, савэ́стэ нанэ зорало́ патяибэ́н, прилэ́н би пхучибнаскиро.

Кон ту адасаво́ сан, со ту сэндякирэса явирэ – хула́скирэ писхари́с? Ёв исын тэрдо́ ци пэрэ́ла анги́л пэ́скирэ хуластэ. И ёв нэвэ́стыр уштэ́ла, пал-дова́ со Дэвэ́л могинэ́ла тэ чхувэ́л лэс, соб (кай) ёв тэ явэ́л тэрдо́.