Versículos Bíblicos Populares relacionados a Matiyo 2

Ịn warị mẹ sọ mu sakị ịn tụḅọ ḅe na, ò iyingi Meri na ẹrị tẹ kparakị tẹ sunsin ọ̀ pịrịm. Anịtẹso ịn nwẹnị ngọ pakama-ḅo ḍie ọ̀ pịrị. Ịn kẹ ọ̀ pịrị ngọ ma anie golu na, ye la lamatẹ kụnụaị anie ịn kẹ fịranịkịnịsẹnịsị na, maa na sịn aị.

Judiya ḅẹ Bẹtịlịhẹmụ ama ḅụ mie Jizọsị iyi ye. Anị sakị mẹ ḅụ Ẹrọdị anie Judiya ḅẹ amadaḅọ. Tẹ Jizọsị iyi tẹ amụ ala-a ogbo tomi nwẹnị ịrụa saakịarị pakịrị anga mẹ ḅụ sime tẹ sunsin ọ̀ pịrị ḅẹ tẹ Jeruselemu ḅo. Arị atomi ma lolia-ḍikiapụ. Tẹ gbelam, “Tọ anga ịn Juu-ḅẹ-apụ amadaḅọ sọ ḅẹ tụḅọ ḅe iyi? Wa ò lolia ẹrịm ịrụa saakịarị pakịrị anga mẹ ḅụ anị paka sakị, tẹ sunsin ọ̀ pịrị ḅẹ ḅo tẹẹ.”

In lolia mẹ ẹrị ye mẹ nwẹnị kpọma ịna ḅioḅẹlẹma lama.

Anịtẹso in jen etela ḅụ ḅọrọ so ịna ama mum. Tamụnọ ḍawọ-jụ ḅụ ịna ḅeri nụnụ tẹ ẹrẹsị, mịnẹ ịn ḅarị pịkịma Ẹrọdị dama-mu ma. Ịrụa saakịarị pakịrị anga mẹ ḅụ sime tẹ ḅo apụ ma so tẹso, Josẹfụ nwẹnị ḍawọ, tẹ ḍawọ-jụ mẹ ḅụ KỊNỊNYANAḄỌ ḅe enjẹlị ẹrị, tẹ enjẹlị ḅe ọ̀ ḅẹẹm, “Ẹrọdị tụḅọ ḅe ḅaa ḅẹ tẹ ọ̀ ḍọkị ḅa. Ọkọ ẹrẹsị, saakị tẹ tụḅọ ḅe na iyingiḅọ na ọkị mangị so Ijiputi muu, tẹ anịanga sime nwenii àrị ị́ ḅẹẹ tẹ ị́ anịanga koroma-so ḅẹ sakị la.”