Versículos Bíblicos Populares relacionados a Mataos 6

Compartilhar

Sa efoʼ, kʉ bul saa ga eni é jwɨ̀ʼa ye, ndwe le ekœʼ ebò e cyen é l'ocɨcyel. Bɨsa bibyɛh bɨn lé ejɨ bɨnɨ, Zyɛm óloŋlo bɨn bya.

Ebe no, mʉr asyɛl ga ba e nye mʉr tɨ, tiibe e sa yé ósyɛɛ omɛn ɨ, ebe, omɛn, wé eyeʼbe wé mʉr tɨ. Mɨtuu mɨ moho, myé jala ó, e lɨha dobo.»

«Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ [ndwe e monyʉla mɨn]. Asyɛl ga ba nteme e monyʉl mɨn, tiibe e mompor. Zê bɨn bé agʉa ó, mʉr, nye abe njɨ ede, le nteme ó, kubo nyʉl, wé e nyɔm, laa mompor ɛ?

Sa gwar, gwɔɔ, é jɔʼ go lé ejɨ kpɛl sa Sɔŋ go mɨnjwɨʼla ɛ, niʼe é tiʼe yo, dible ebe, jwɨʼla e Sɔŋ go ndɨ é l'efo tʉŋlʉ ɨ. No ó, waa ndɨ ebee sa go lé esa é l'efo e, nye ódwe go mpaŋ myɛna.

«Ebe no, bɨn bɛɛ, dɨʼe jwɨʼla ga e Zyɛm é mbi wi: “Sɔŋ wih ndɨ é jobo tʉŋlʉ ɨ, lɛʼla bʉr bɨbɛh ó, go ó Zyɛm ndɨ ti ɨ. Jwɨ̀ʼa yo, yé ntaʼ. Gwɨma yo, yé syɛŋɨ é si nwa, mpʉ nteme yé ndɨ é jobo tʉŋlʉ ɨ.

Dweʼ bɨh muh mode mo jala e bɨh ɨ.

Pɛʼɛ bɨbaa bɨ ebebe bɨh go di eniʼe é lɔb mɨsyem mɨh ɨ, mpʉ bɨh lé epɛʼ byaa bɨ bʉr o ndɨ esa bɨh ebebe e.

Ato e bɨh é mobʉbla tʉŋlʉ. Syɛbɨ bɨh é mobo mo Bɨbla-mʉr. [Ebe, mojwɨ̀ʼa e nkul ndwe e moncɛnba, byé ó byo, to pyal é mɨmya mimyɛh. Amɛn!]”

«ǃBɨn si pɛʼ bɨbaa bɨ ebebe bɨn bé a niʼe bʉr nɛʼɛ, Sɔŋ win ndɨ é jobo kʉ ɨ, nye nteme ópɛʼ bɨbaa nye a niʼe bɨn é lɔb bɨgwìh bin ɨ.

Dwɛʼa ga bɨnɔn lé epiili kʉ ɨ. Byé ali bɨpeme nkʉ bè. Byé ato é mɨngol yʉʉ gumo. Byé abe e mode mɨkɛɛla é monkuna. Sɔŋ win ndɨ é jobo kʉ ɨ, nye ó ndɨ edwe bye mode. Bɨn bé é bul buo dime, laa bɨnɔn.

«Daʼ maʼ ga okum e l'ogbaa win é si nwa, gumo osyoʼ le myeŋle lé elɨr bɨsɔʼɔ, mɨndiblʉ bʉ mobe le edíbe e. Maʼa ga okum e l'ogbaa win é lal mo Zyɛm, gumo osyoʼ le myeŋle ndɨ alɨr bɨsɔʼɔ, mɨndiblʉ abʉ mobe, díbe e. Maʼa ga okum e l'ogbaa win gʉ, ebe, gumo okum win ndɨ ɨ, tɨʼ nteme ó mɨleme min, myé óbe e!»

«Abe e mʉr ndɨ e nkul esea e l'ojwɨ̀ʼa oba é jɔʼ gwar, ebe, nye ónwim nuu, kpɛl nuu; nkʉ ntɔʼ ó, nye ódwaabe nuu; pyeh nuu. No ó, bɨn bé abe e nkul esea e Zyɛm syɛɛ, sea e l'Okum-e-l'ogbaa é jɔʼ gwar.»

Bɨka, byé etiʼe muh. Byé nteme, byé ó sa yé óguhɔ omɛn é duro e. Zyɛm pa taare bœr bɨka mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ!

Sa gwar, ǃgo si dwe baanteʼenteʼe o bʉr mɔn nɛʼɛ, mbo emyɛl go, wé l'ayi gʉa sa mbo ejʉm sa ɛ, é l'efu ó, edwɛna lo, lé nkʉʼ syɛɛ é mofo. Sɔŋ go lé ebee sa yiyɛh ndɨ fela ɛ, nye ódwe go mpaŋ myɛna tɨ.»

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna. No ó, ǃgwɔɔ si ti mode nɛʼɛ, jwɨ̀ŋɨ mpom go. Lama mulo. Go saʼ no é l'efu ó, go nkʉʼ di alɛʼle ó, go eti mode. Sɔŋ go nye ome ndɨ naa é l'efo e, nye ó go lé elɛʼle e. Sɔŋ go lé ebee sa go lé esa é mofo e, nye ójɛna e go mpaŋ myɛna.»