Versículos Bíblicos Populares relacionados a Mga Darahonon 2

Compartilhar

An GINOO amo an nahatag hin kinaadman. Natikang ha iya an hibaro ngan an pagsabot.

Anak ko, pag-admi an akon igintutdo ha imo, ngan ayaw gud hingalimti an iginpabuhat ko ha imo. Pamatii an kinaadman, ngan talinguhaa hin pagsabot hini. Tinuod, pangaroa nga mahibaro ka; pangamuyo nga makasabot ka. Pamilnga ini sugad han imo paniguro hin pagbiling hin salapi, o hin tinago nga manggad. Kon buhaton mo ini, hibabaroan mo kon ano an karuyag sidngon hin pagtahod han GINOO, ngan mauswag an imo paghibaro mahitungod han Dyos.

Binubuligan ngan pinanalipdan niya an magtadong ngan tangkod nga mga tawo. Pinanalipdan niya adton mga mag-upay magdumara han iba, ngan ginbabantayan niya adton mga magtinumanon ha iya.

Mag-ukoy dinhe hini nga aton tuna an magtadong ngan maligdong nga mga tawo. Kundi aagawon han Dyos dinhe ha tuna an magraot nga mga tawo, ngan gagaboton ha tuna an mga makasasala sugad hin mga tanom.

Makakahimo ka hin pagpugong basi diri ka masulay hin malaw-ay nga babaye nga maghuhugay ha imo pinaagi han iya magtam-is nga mga pulong, nga malingo han iya kalugaringon nga bana, ngan waray na pagmahal han iya baraan nga mga ginsumpaan.