Versículos Bíblicos Populares relacionados a JOSUE 1

Compartilhar

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang GINOO nga imong Dios anaa uban kanimo bisan asa ikaw moadto.”

Ayaw ibulag kining basahon sa Balaod gikan sa imong baba, hinuon pamalandongi kini sa adlaw ug sa gabii aron magmatngon ikaw sa pagbuhat sumala sa tanan nga nasulat niini, kay sa ingon niana, himoon nimo ang imong dalan nga mauswagon ug unya makaangkon ikaw ug maayo nga kalamposan.

Pagmalig-on lamang ug pagmaisogon gayod nga magmatngon sa pagbuhat sumala sa tanang balaod nga gisugo kanimo ni Moises nga akong alagad. Ayaw pagtipas gikan niini, ngadto sa tuo o ngadto sa wala, aron magmalamposon ikaw bisan asa ka moadto.

Walay tawo nga makabarog batok kanimo sa tanang mga adlaw sa imong kinabuhi, ingon nga ako nag-uban kang Moises, mag-uban usab ako kanimo. Dili ko ikaw pakyason o biyaan.

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Ang tanang dapit nga tumban sa lapalapa sa inyong tiil gihatag nako kaninyo sumala sa gisaad nako kang Moises.

“Si Moises nga akong alagad, patay na, busa karon, tindog ug tabok niining Jordan, ikaw ug kining tanang katawhan, ngadto sa yuta nga akong ihatag kanila, ngadto sa katawhan sa Israel.

Human sa kamatayon ni Moises, ang alagad sa GINOO, ang GINOO miingon kang Josue nga anak ni Nun ug kaabag ni Moises

Gikan sa kamingawan ug niining Lebanon, hangtod sa dakong suba, ang suba sa Eufrates, ang tanang yuta sa mga Hitihanon, ngadto sa Dakong Dagat padulong sa kasadpan mao ang inyong kayutaan.

Si bisan kinsa nga mosupak sa imong sugo ug dili motuman sa imong mga pulong, bisan unsa nga imong isugo kaniya, patyon gayod. Pagmalig-on lamang ug pagmaisogon.”

“Latas kamo sa kampo ug sugoa ang katawhan, ‘Andama ang inyong mga dad-onon kay sulod sa tulo ka adlaw manabok kamo niining Jordan aron sa pagsulod ug sa pag-angkon sa yuta nga gihatag kaninyo sa GINOO nga inyong Dios aron panag-iyahon.’ ”