Versículos Bíblicos Populares relacionados a MGA MAGHUHUKOM 6

Compartilhar

Ug ang anghel sa GINOO mipakita kaniya ug miingon, “Ang GINOO nag-uban kanimo, ikaw nga tawong kusgan ug isog.”

Unya ang GINOO milingi kaniya ug miingon, “Lakaw pinaagi niining imong kusog ug luwasa ang Israel gikan sa kamot sa Midian, wala ba ako magsugo kanimo?”

Ang GINOO miingon kaniya, “Apan ako mag-uban kanimo, ug buntogon nimo ang mga Midianhon sama sa usa ka tawo.”

Ug si Gideon miingon kaniya, “O akong agalon, kon ang GINOO nag-uban kanamo, ngano nga nahitabo man kining tanan kanamo? Ug hain na man ang tanan niyang mga katingalahang buhat nga gisugilon kanamo sa among mga ginikanan nga nag-ingon, ‘Wala ba ang GINOO magkuha kanamo gikan sa Ehipto?’ Apan karon ang GINOO nagsalikway kanamo ug nagtugyan kanamo ngadto sa kamot sa Midian.”

Ug si Gideon miingon kaniya, “O Ginoo, unsaon man nako pagluwas sa Israel? Tan-awa, ang akong banay maoy labing huyang sa Manases ug ako mao ang labing ubos sa akong panimalay.”

Unya ang anghel sa GINOO miabot ug milingkod sa ilalom sa dakong kahoy didto sa Opra nga iya ni Joas nga kaliwat ni Abieser, samtang ang anak nga lalaki ni Joas nga si Gideon naggiok ug trigo didto sa pug-anan sa bino aron sa pagtago niini gikan sa mga Midianhon.

Unya si Gideon naghimo ug usa ka halaran didto alang sa GINOO ug gitawag kini, Ang GINOO mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

Ug si Gideon miingon kaniya, “Kon karon ako nakakaplag ug kahimuot sa imong mga mata, pakitai ako ug usa ka ilhanan nga ikaw ang nakigsulti kanako.

Apan ang GINOO miingon kaniya, “Ang kalinaw maanaa kanimo. Ayaw kahadlok; dili ikaw mamatay.”

Ang katawhan sa Israel naghimo ug daotan sa panan-aw sa GINOO, ug ang GINOO nagtugyan kanila ngadto sa kamot sa Midian sulod sa pito ka tuig.