Versículos Bíblicos Populares relacionados a EXODO 2

Compartilhar

Ug sa dihang nadungog sa Dios ang ilang mga pag-agulo, nahinumdom siya sa iyang kasabotan uban kang Abraham, kang Isaac ug kang Jacob. Ug nakita sa Dios ang katawhan sa Israel ug ang Dios nahibalo sa ilang kahimtang.

Human sa taas nga panahon, namatay ang hari sa Ehipto. Ug ang katawhan sa Israel nag-agulo tungod sa pagkaulipon ug nagpakitabang. Ug midangat sa Dios ang ilang pagtuaw tungod sa ilang pagkaulipon.

Sa pagkadako na sa bata gidala siya sa inahan ngadto sa anak nga babaye sa Paraon, ug siya nahimo nga iyang anak, ug ginganlan niya siya ug Moises, kay siya miingon man, “Tungod kay siya gikuha nako gikan sa tubig.”

Ug ang anak nga babaye sa Paraon miingon sa inahan sa bata, “Dad-a kining bata ug atimana siya alang kanako ug suholan ko ikaw.” Busa gikuha sa inahan ang bata ug giatiman kini.

Unya ang anak nga babaye sa Paraon miadto sa suba aron maligo samtang ang iyang mga sulugoon nagsuroysuroy sa daplin sa suba. Nakita sa prinsesa ang bukag taliwala sa kasagbotan ug iyang gisugo ang usa niya ka sulugoon nga babaye sa pagkuha niini.

Usa niana ka adlaw, sa dihang midako na si Moises, miadto siya sa iyang katawhan ug misud-ong sa ilang mga paghago ug nakita niya ang usa ka Ehiptohanon nga midagmal sa usa ka Hebreo nga usa sa iyang mga kadugo. Ug siya mitan-aw sa palibot, ug sa dihang nakita niya nga walay tawo, iyang gipatay ang Ehiptohanon ug gilubong sa balas.