Versículos Bíblicos Populares relacionados a APOCALIPSIS 7

Compartilhar

Xalla neqhśtan werhki tama źoñinaka cherśintćha, ti źoñinakaki thapa chawkh wathkiśtan, niźaśa thapaman sarkiśtan, niźaśa thapaman tawqchiś wathanakkiśtantaćha. Xalla ti źoñinakaki ni chawkh julśkiś julśiź tukkiśtaćha, niźaśa ni Üśiź tukkiśimi, xalla ti źoñinakaki muspa tama ana jëkhźlami qanchukataćha, niźaśa ti źoñinakaki chiw śkiti kuthchikamataćha niźaśa ninakź qharkiś ramuśh chhañi tanśikamataćha.

Niźaśa tinakaki thapa aśtanź qhawatćha tuź khikan: “¡Xalla ni liwrïski ućhum Yöśkiś chawkh julśkiś julśiźkiś wakiśićha, niźaśa ni Üśiźkiśimi!”

Xalla ni chawkh julś taypikiś źelhñi üśaki, ti źoñinakź awatiriź khekićha, niźaśa nïź tinaka ni źethñi xalśur qhaśtan uywakićha, niźaśa Yöśki thappacha tinakź źhuk qaxllu źhujźinakićha.”

“Xalla niźtikiśtan tinakaki ni Yöś chawkh julś tukkiśśa, niźaśa tinakaki wëntiźtan maxintiźtan ni Yöś qhuykiś amtichićha; neqhśtan ni chawkh julśkiś julśiki tinaka kuytakićha. Neqhśtan tinakaki anaź iya ćhherkiśtanami qhaśkiśtanami t'aqhiśakićha, niźaśa ni thuñ qhaqimi anaź tinaka ujakićha, niźaśa ana ćhhul qhaqimi tinaka lhaqakićha

“¡Niźaśa ni ućhum Yöś manta päñi źoñinaka ima chimpikanaki, anaź ti yoqa niźaśa ni chawkh qotanakami, ni muntinakami anaź śhoxrićha!” Neqhśtan werhki ni chimpita źoñinaka qanta nonśintćha: Thapa ni Israel źonakź t'aqkiśtan tshiwatha paqhpikqhalu paqhpik wathataćha.