Versículos Bíblicos Populares relacionados a El Apocalipsis 22

Compartilhar

Ʉ̱ tʉ-Alfa mit Omega, ayé inʉmo'jcʉp ni'c ʉ̱ tʉtsʉ̱najʉ'c mit tʉgacʉs̈áj.

Inʉmp Jesucristu: —Márauga, tʉmi'náj pe'jyu, mit tʉnmumi'náj premiu pa tʉs̈mo'wa'n cada jayau as̈amu iguiwajt.

Mit Espíritu Santu mit Cristu ijayajwat inʉmgap: —Mínga. Mit jeme imarawámpay ma nʉmey: —Mínga. Mit jeme nʉ-u̱go'jcʉpay ma mi'n pa iguipʉctsowa'n we'nujyu ayé nʉ' iyacpay vida, mit jeme iwampay inʉ-u'cwa'n ma mi'n.

’Tsʉ̱ngáj oy jeme icuyaguigaway nu'pʉjʉn ma̱jlat, ni'c je'jat itcʉjʉ̱́j derechu pa itsʉ̱ngawa'n mam i-it ayé cujy iyacpay vida, mit oyáj itʉgʉyga en ayé nʉ'jcopac mam imanda̱t Dios.

Inʉmp Jesucristu: —¡Márauga, tʉmi'náj pe'jyu! Tsʉ̱náj oy jeme iguarda̱támpay lo que inʉmpay ayʉ̱́j libru, mit ayé itp ti ijatwa'n.

Mit jem caja-itáj tsu', ne iganesita̱tcáj ayé luz iyacpay tu'c lámpara ne luz iyacpay s̈ʉjw, ni'c el Señor Dios ita'cs̈cʉs̈áj, mit je'jat manda̱tcáj pa siempre.

Jesucristu nas̈actujawigap ayʉ̱́j cosajat, mit inʉmp: —Iyacs̈ta'cway tʉmi'náj pe'jyu. We'n ma jat. Mi'n Señor Jesús. El Señor Jesucristu pi is̈moygac favor pa mijchat minu'pʉjʉjnat. Yam icʉs̈.

Tʉnactujawip nu'pʉjʉn jeme imarapay lo que inʉmpay ayʉ̱́j libru mit ayé cosajat jeme jatámpay: Te tu'c jayau i-acyagachip ayʉ̱́j libru, Dios igui-acmijnáj ayé castigujat jeme tsʉ̱napay ja'yic en ayʉ̱́j libru. Mit te tu'c jayau ichi'jtap tu'c parte lo que inʉmpay ayʉ̱́j libru mit jeme jatámpay, Dios iguichi'jtámpey iparte en ayé libru ijtʉpay Dios, mit ca-ijtʉ̱́j vida cacʉs̈ámpay, mit catsʉ̱náj en ayé nʉ'jcopac icupi̱way Dios, mit ne igapʉctsowáj nejʉmay premiu jeme tsʉ̱napay ja'yic en ayʉ̱́j libru.