Versículos Bíblicos Populares relacionados a Yakubu 1

Compartilhar

Nyin á̱niet khwi Yesu ba nang n chat a̱ni, jen nang nyi nnwuo mi̱ swuo a̱bung a̱ni, nyi ni̱ nkyiak hu ku yet nyin a̱wat a̱gba̱ndang a̱lyia̱ sai. Mat nyi lyen jen nang á̱ mmak nwuak fwuo nyin hu da̱ A̱gwaza a̱ni, nyi na shya̱ a̱wat nyi gbang a̱lyia̱, nyi mbeang nyap fwuo hu.

Ka̱ a̱yin ma̱ nyin chat mumwang, a̱ naai A̱gwaza wu a̱ ka̱u konyan gba̱mgbam ma̱ng fwuo a̱nyiung a̱ni. A̱wot A̱gwaza na tyia̱ nggu a̱bun di̱ naai nggu hu bah.

Nyin á̱niet khwi Yesu ba nang n chat a̱ni, nyi sak a̱lyiat nani mi̱ nfwuo nyin na. Nyi yet á̱niet fwuong ma a̱nggang ma̱ng a̱fufwuo. A̱wot nyi yok ya̱baat a̱lyiat va̱vat, ku nyi vwuot ndyen ma a̱nggang bah.

Si̱ nyi ya a̱son ma̱ng gbang a̱lyia̱ si̱ tat jen nang swuo a̱bung hu na ntyak a̱ni, nyi ka yet á̱tsatsak ma̱ng á̱niet khwi ba tat a̱ghyi, da̱ ba̱ lyin kyang a̱ni bah.

Nyi yok fwuong a̱lyiat A̱gwaza na ma̱ng a̱fufwuo bya ma̱nyin ba bah. Ku yet ta hwa, nyi wa nyia̱ ta̱m ma̱ng á̱na, kalak nyi laai á̱pyia̱ nyin kya.

A̱tyu a̱ gbang a̱lyia̱ a̱ si̱ yong mi̱ chet di̱n jen nang á̱ mmak gu a̱ni, a̱gwai yet a̱si̱ nggu. Mat jen nang gu ngbang a̱lyia̱ a̱ si̱ swuo chet mak hu a̱ni, a̱ na san zang swuan sang sangba̱p ji nang A̱gwaza wu nyia̱ a̱li̱ka̱uli a̱ na nang a̱mgba̱m á̱niet ba̱ chat gu a̱ni.

Kuzang a̱tan ma̱ng a̱tsatsak za̱nang chorop a̱ neet da̱ a̱vwuo A̱gwaza a̱ yet A̱tyia̱ nzi̱t, a̱tyu a̱ mat a̱mgba̱m nkyang na̱ sai mi̱ kyai tswazwa a̱ni. Da̱ nggu, a̱ shai za̱kwa nggu ji nang nghwughwu mam, ku zwat ma̱ng a̱ta̱ngwat ni̱ nshai tityan yong mba ji a̱ni bah.

Mat a̱tyu a̱ fwuong a̱lyiat A̱gwaza na ma̱ng a̱fufwuo bya, a̱ si̱ nwai nnyia̱ nta̱m ma̱ng á̱na a̱ni, a̱ li nang a̱tyu a̱ nwuan a̱pyia̱ nggu mi̱ ma̱ dubi a̱ni. Ka̱ a̱ nwuan a̱pyia̱ nggu shansham a̱ si̱ doot, a̱ bu kin bwung si̱sak ji nang gu ndi a̱ni.

Khwi hu nang A̱gwaza a̱ yet A̱tyia̱ nzi̱t wu kyiak ku yet a̱za̱za̱rak ma̱ng sang a̱bun a̱ni, huhwa yet; nyi ni̱ mbeang á̱kunak na ma̱ng á̱nyiuk ba nang á̱tyok mba ba kwi á̱ ghwon a̱ni. Nyi bu khap á̱pyia̱ nyin ma̱ a̱ka̱tuk nyia̱ swanta wuni, kalak ku tyei nyin a̱na̱ndyung.

A̱wot nyi yok bwung bah, jen nang á̱ mmak nyin a̱ni, nyi yok nyia̱, “A̱gwaza wa mak nzi̱t” bah. Nyi lyen da̱nang á̱ si̱ mi̱n mak A̱gwaza a̱ ka nyia̱ a̱ka̱tuk bah. Da̱ A̱gwaza, a̱ si̱ mi̱n mak a̱yin gu nyia̱ a̱ka̱tuk kyang bah. Di̱dang nkyang swanta ni̱ laai a̱tyubishyi a̱ tyia̱ zan, si̱ a̱hwa hwa yet a̱tyin mak ka.

Yok á̱niet khwi ba̱ yet á̱kunak a̱ni, ba̱ tam da̱ A̱gwaza, mat á̱ wa ka̱n nwuak ba shi.