Versículos Bíblicos Populares relacionados a METTHIU 6

Compartilhar

Tiki Ravguangc guangcdic khatni katuang ravchaptatmei tei phu rey o, kum e thei mi guay hei ni nangniw khang tii puni.

Hei zaeng rui nthuanh khang rui lungh kadan riu; kalam thu nthuanh rui nthuanh khang kadan puni. Tingmik akhat tuang kadanmei tei mi tingmik khang tei biuc the.”

“Hei zaeng rui nangniw khou sapui tuang e: Nangniw ringh khang tu zangv khang rui khatni nangniw pumc khang nsuay mbaanv khang rui lungh katuakc bam riu. Ringhmei hei taektw khang suangc nthuk mak nah cho khatni meic pumc hei pheybaan khang suangc nthuk mak nah cho?

Tiki nang huayneypui ganv khou, nang kai lungc khou gutna kaikhamv mbanghlouna, mik rui how makmei nang Pu khou huayney o. Kum pwkhou, meic thay makna taanhmei ta howmei nang Pu rui tiilou puni.

“Hei zaeng rui, mi hei kumcna huayney o: ‘Tingkauh thangc bammei aniw Pu, nang zanc nthanmei sw diu; Nang guangcdic guang diu, tingkauh thangc kumc kandih khou ni, Nang ningmei sw diu.

Aniw khang neih khat khang biuhmei taektw aseic tiilou o.

Aniw rui aniw khou nkhuailoumei nunc khuay kuakloumei kumcna, aniw khuay kuaklou o.

Aniw ta nthiammei khou zaylou rio, tiki simeipu khou rui gaeklou o.’

“Kalam thu meic nunc rui nangniw khou nkhuailoumei tei nangniw rui kuaklou e thei, tingkauh thangc bammei nangniw Pu rui ni nangniw khuay kuaklou puni.

Kauh samhmei nruayna nunc ta tei zauc o. Kaniw nap lingh mak ge, lau tay mak ge, saamh naina ni lou mak ge; tiki tingkauh thangc bammei nangniw Pu rui kaniw ta titu nggu bam e. Nangniw thu nruayna khang suangc kunghmei hamh nah cho?

“Nangniw nthumc rui, sauhmei rui, khatni kaihouhmei rui sw maanpui bamv mi kandic khou hei nangniw khang lanv ry riu. Tiki nthumc rui, sauhmei rui, khatni kaihouhmei rui swmaan dat makpui bamv tingkauh thangc nangniw khang lanv ry o. Kalam thu nang tuang lanv naipui bamv khou tei nang lung ni nai puni.

“Meic gaanv khat na sini kaipouc kanei bangc sw nuh mak ge. Kamei rui gaanv khat ta nzian e thei, gaanv khat ta karaeng puni. Hamh e thei gaanv khat ta kungc e thei, gaanv khat ta ntaamv puni. Nangniw syan lev Ravguangc bangc sw kariu nuh mak ge.

Aseic na thaulouna nthuanh mai khou phaiclou kan nimei bang ta sini Ravguangc rui mi kumcna karuhlou e thei, he lwmmei nthyammei thiu, mi khang tei suangc nangniw ta thu mbuna karuhlou pw lak nah cho?

Nang rui lungcsimei khang tiipui ganv khou, nang tuang nzat baanc rui tiimei tei mbai baanc ta tithay riu; nang rui tiimei tei meic baihmei khou tithay khang hamh e. Kum pwkhou, meic thay makna taanhmei tei thaymei nang Pu rui nang khang swan tii puni.

“Nangniw tuang ravchaptatmei taanv tei meic nunc rui how khang rui taanc lyan mak khang ramhthay o. Mi kumcna taanc e thei, tingkauh thangc bammei nangniw Pu khou rui nangniw swan laatow ni tu hamh e.

“Nangniw munthiangh khou, gaylwn swmei nunc kumcna nchung suipui lwn sw riu. Kalam thu kaniw munthiangc e twmei meic nunc thay kan diu khang kaniw sw e. Ai rui nangniw khou kaling siakna sa tuang e: Kaniw thu kaniw tuang swan laa tang the. Tiki nang munthiangh khou, nang py thauh tey o khatni nang zaw phi o. Kum pwkhou, nang munthiangc e twmei meic nunc khou lyan makna, tiki mik rui how makmei tingkauh thangc bammei, meic thay makna taanhmei guay howmei nang Pu rui nang taanv thai tiilou puni.