Versículos Bíblicos Populares relacionados a PHUNGTHLÛKBIA 2

Compartilhar

Zeitintiah BAWIPA nih fimnâk a pêk i a hmurkâ in hngalhnâk le theihthiamnâk a chuak tawn.

Ka fapa, ka bia kha na cohlan hna i ka nawlpêk kha na chungah nâ khon i fimnâk leiah na hna na tun i theihthiam dingin na lungthin na pêk ahcun; Asi, thleidan khawhnâk ngei dingin na au i theihthiamnâk ngei dingin na-aw na chuah ahcun, Ngun bangin na kawl i thuhmi ro bantukin na kawl ahcun; BAWIPA ṭihzah na theihthiam lai i Pathian hngalhnâk kha na hmuh lai.

Mi dik hna caah fimnâk taktak a pumh piak i dik ngaiin a kalmi caah Amah cu phaw a si. Diknâk lam kha a kilven i a mithiang hna lam kha a himter tawn.

Zeitintiah a dikmi nih ram cu an hngah lai i sawi awk um lomi an hmun lai. Asinain misuaksual cu vulei cungin hloh an si lai, cun zumh awk a tlâk lomi hna cu an hram in bongh dih an si lai.

Nu ṭhalo le, bia thlum-al hmangin soilêm a hmangmi hna chungin khamh awk le, A no lio hawikawm kal takin, a Pathian biakam a philhmi hna sinin.