Versículos Bíblicos Populares relacionados a PHUNGTHLÛKBIA 19

Compartilhar

Minung lungthin nih thiltampi a timhlamh tawn, asinain BAWIPA remruatnâk lawng a hmun lai.

Misifak a zângfahtu nih BAWIPA sinah a cawih a si, a rak pêk cangmi thil hna cu a cham ṭhân hrimhrim lai.

Ruahthiamnâk a ngeimi nih lung a sauter i a nawlbuarnâk philhpiak cu amah sunpar tertu a si.

Remruatnâk hi ngai law, cawnpiaknâk hi cohlang, cuticun a ra laimi cân ah na fim kho lai.

BAWIPA ṭihzahnâk nih nunnâk ah a phâk pi tawn, cu nunnâk ngeitu cu a duh a tling lai i thilṭha lo nih a tlunhnawh lai lo.

Fimnâk hmutu nih amah nunnâk a dawt tawn, theithiamnâk â cinkentu nih thilṭha a hmuh lai.

Ruahchannâk a um lio ah na fapa cu chimhring law, a lotlau ding ah ruat hlah.

Biahngaltu deu cu dantat lo in a um lai lo, lihchimtu cu a rawk lai.