Versículos Bíblicos Populares relacionados a Tio 27

Aʼetz ibʼant oxvaʼl oora s-kuʼebʼal qʼij, tul jankʼalxh iyakʼil Jesuus sichʼini. Tul ech tal Jesuus s-eche: —¡Elii, Elii! ¿Laama savaktaani? —xeʼt Jesuus. Ech nik tal u yol s-eche: —¡InBʼaal Tiuxh, inBʼaal Tiuxh! ¿Kam s-tiʼil nik aaqʼ ka in sinjunal? —chich telaʼpun u yol t-viyolbʼal inqʼa evreeo.

Iletz kuxh Jesuus nikich tel ikʼuul, tul litxʼm u chelkin tʼebʼkin bʼuʼq s-tuul uvaʼ atich jaʼ s-qʼanbʼal tetz tuul u Tatibʼal QuBʼaal Tiuxh. Tul litxʼm tzaan tiviʼ tetxhal ikoʼp tixeʼ.{*} Atz xeʼt vet val u mam kabʼnaano. Tul yekich pax vet inqʼa mamaʼ sivan. Tul motx jaqp vet inqʼa jul tetz kamnaʼq. Tul itzʼeʼv jolol xaol, inqʼa maʼtich ikameʼ, inqʼa motx qeon quBʼaal Tiuxh.

Paqtetz kuxh nimla sichʼiʼm ibʼan Jesuus, tul el vet ikʼuul Jesuus.

Tul mam xoʼval ibʼan vet u qʼesal sol tuchʼ inqʼa isol, inqʼa nikich xeen Jesuus uvaʼs ipal u mam kabʼnaano. Tul mamat xoʼval tzaaq vet s-tiʼ, tiʼ tabʼit kam inqʼa motx utxhi. Tul echaq tal vet s-eche. —¡Nuq bʼakxhtuʼ! ¡IKʼaol bʼakxh quBʼaal Tiuxh naq u vinaq uvaʼe! —xeʼtaq veteʼ.

Aʼetzxh itxhaqʼaan vet qʼij, tul tira tokbʼix ivatz u txʼavaʼ s-kaqaayil, tetxhal topoon s-oxvaʼl oora s-kuʼebʼal qʼij.

Yaʼne ech tal Pilaato s-eche: —¿Kametz toq vulbʼe naq bʼa u Jesuus, uvaʼ nik talax s-Kriisto? —xeʼt Pilaato. Tul ech motx tal jankʼal inqʼa xaol s-eche: —¡Jaʼoq Jesuus vatz kurus! —xeʼtaqe. Yaʼne ech tal Pilaato s-eche: —¡Ape! ¿Kametz ipaʼv naq bʼa sevatz? —xeʼt Pilaato, [u nimla iqʼesal]. Tul aalxh isichʼin inqʼa xaol. Tul ech motx tal s-eche: —¡Jaʼoq vatz kurus! —chichich inqʼa xaol.