Versículos Bíblicos Populares relacionados a ລູກາ 24

ຝ່າຍ​ເຮົາ​ຈະ​ສົ່ງ​ສິ່ງ​ທີ່​ພຣະບິດາເຈົ້າ​ຂອງເຮົາ​ໄດ້​ສັນຍາ​ໄວ້​ນັ້ນ ມາ​ເທິງ​ພວກເຈົ້າ, ແຕ່​ພວກເຈົ້າ​ຕ້ອງ​ເຝົ້າ​ຄອຍ​ຢູ່​ໃນ​ນະຄອນ ຈົນກວ່າ​ຣິດອຳນາດ​ຈາກ​ເບື້ອງ​ເທິງ​ລົງ​ມາ​ເທິງ​ພວກເຈົ້າ.”

ພຣະອົງ​ບໍ່ໄດ້​ຢູ່​ທີ່​ນີ້ ພຣະອົງ​ເປັນ​ຄືນ​ມາ​ສູ່​ຊີວິດ​ແລ້ວ ຈົ່ງ​ລະນຶກເຖິງ​ຖ້ອຍຄຳ​ທີ່​ພຣະອົງ​ກ່າວ​ແກ່​ພວກເຈົ້າ ເມື່ອ​ພຣະອົງ​ຢູ່​ໃນ​ແຂວງ​ຄາລີເລ​ວ່າ

ແລ້ວ​ຕາ​ຂອງ​ພວກເພິ່ນ​ຖືກ​ເປີດ​ໃຫ້​ສະຫວ່າງ​ຂຶ້ນ ແລະ​ຈື່​ພຣະອົງ​ໄດ້, ແຕ່​ພຣະອົງ​ໄດ້​ຫາຍໄປ​ຈາກ​ພວກເພິ່ນ. ພວກເພິ່ນ​ຈຶ່ງ​ເວົ້າ​ກັນ​ວ່າ, “ເມື່ອ​ພຣະອົງ​ກຳລັງ​ເວົ້າ​ນຳ​ພວກເຮົາ​ຕາມ​ທາງ ແລະ​ໄດ້​ອະທິບາຍ​ພຣະຄຳພີ​ໃຫ້​ພວກເຮົາ​ຟັງ​ນັ້ນ ໃຈ​ຂອງ​ພວກເຮົາ​ກໍ​ຮ້ອນຮົນ​ເໝືອນ​ໄຟ​ພາຍ​ໃນ​ພວກເຮົາ​ບໍ່ແມ່ນ​ບໍ?”

ແລະ ໄດ້​ກ່າວ​ແກ່​ພວກເພິ່ນ​ວ່າ, “ນີ້​ແຫຼະ ແມ່ນ​ສິ່ງ​ທີ່​ຂຽນ​ໄວ້: ພຣະຄຣິດ​ຕ້ອງ​ທົນທຸກ​ທໍລະມານ ແລະ​ຕ້ອງ​ເປັນ​ຄືນ​ມາ​ຈາກ​ຕາຍ​ໃນ​ວັນ​ຖ້ວນ​ສາມ. ຈົ່ງ​ປະກາດ​ນາມຊື່​ຂອງ​ພຣະອົງ ແກ່​ຄົນ​ທຸກ​ຊົນຊາດ ໂດຍ​ເລີ່ມ​ຈາກ​ນະຄອນ​ເຢຣູຊາເລັມ​ໄປ ໃຫ້​ເຂົາ​ຖິ້ມໃຈເກົ່າ​ເອົາໃຈໃໝ່ ແລະ​ຮັບ​ເອົາ​ການອະໄພ​ບາບກຳ.

ພວກ​ນາງ​ເຫັນ​ກ້ອນຫີນ​ໄດ້​ຖືກ​ກຶ່ງ​ອອກ​ຈາກ​ປາກ​ອຸບມຸງ​ແລ້ວ. ດັ່ງນັ້ນ ພວກ​ນາງ​ຈຶ່ງ​ເຂົ້າ​ໄປ, ແຕ່​ບໍ່​ເຫັນ​ພຣະສົບ​ຂອງ​ອົງ​ພຣະເຢຊູເຈົ້າ.