Versículos Bíblicos Populares relacionados a Pemungkal 22

Compartilhar

Abraham lalu ngumbai endur nya “TUHAN Nyendia.” Nyentuk ngagai sehari tu, orang agi nyebut, “TUHAN deka nyendiaka utai ba bukit Iya.”

Ku Allah Taala bejaku, “Bai anak nuan, anak tunggal nuan Isak, ke balat dikerinduka nuan, lalu mansang nuan ngagai menua Moriah, lalu serahka iya dia nyadika piring tunu ba bukit ti deka ditunjukka Aku ngagai nuan.”

“Anang ngemediska nembiak nya, tauka ngereja sebarang utai ngagai iya,” ku melikat nya bejaku, “laban diatu Aku nemu nuan amat nangika Allah Taala, laban nuan enda sayauka anak tunggal nuan tang nyerahka iya ngagai Allah Taala.”

Disaut Abraham, “Allah Taala Empu deka meri siku anak domba nyadika piring nya.” Seduai iya majak bejalai.

Aku besemaya deka meri nuan mayuh peturun, ngemayuh bintang ti di langit, tauka ngemayuh pasir ti ba tebing tasik. Peturun nuan deka ngalahka munsuh sida. Semua bansa deka minta Aku merekatka sida, baka Aku ti udah merekatka peturun nuan, ketegal nuan udah ngasika jaku Aku.”

Nyau kelama udah bekau nya, Allah Taala nguji Abraham. Ku Iya bejaku ngagai Abraham, “Abraham!” Abraham lalu nyaut, “Tu aku!”

Tang melikat TUHAN ngangauka iya ari serega, ku iya, “Abraham! Abraham!” Abraham lalu nyaut, “Tu aku!”

Melikat TUHAN lalu ngangauka Abraham ari serega kedua kali, Ku Iya bejaku, “Aku ti TUHAN besumpah atas nama Aku Empu, Aku deka meri berekat ti besai ngagai nuan, laban nuan udah ngereja utai tu, lalu enda sayauka anak tunggal nuan tang nyerahka iya ngagai Aku.

Lebuh seduai iya datai ba endur ti udah dipadahka Allah Taala ngagai Abraham, Abraham lalu ngaga siti alta, lalu nugungka kayu api ba alta nya. Iya lalu nanchang anak iya Isak, lalu ngengkahka iya ba atas tugung kayu nya.