Versículos Bíblicos Populares relacionados a Isaaya 1

Compartilhar

Mujje nno, tuteese ffembi, bw'ayogera Mukama: ebibi byammwe ne bwe biba ng'olugoye olumyufu, binaaba byeru ng'omuzira; ne bwe binaaba bikwafu nga langi emyufu, binatukula ng'ebyoya by'endiga.

Bwe munaagondanga ne muwulira, munaalyanga ebirungi eby'ensi

Muyige okukolanga obulungi. Munoonyenga amazima. Mudduukirirenga abajoogebwa, mulwanirirenga atalina kitaawe, muwolerezenga nnamwandu.

naye bwe munaagaananga ne mujeemanga, munaaliibwanga n'ekitala; kubanga akamwa ka Mukama ke kakyogedde.

Munaabe, mwerongoose; muggyirewo ddala ebikolwa byammwe ebibi. Mukomye okukola obubi.

Bwe munaayimusanga emikono gyammwe musabe nnabakwekanga amaaso gange, era ne bwe munaasabanga ennyo ssiiwulirenga emikono gyammwe gijjude omusaayi.

Temuleetanga nate ebitone ebitaliimu. obubaane bwa muzizo gye ndi; emyezi egibonese ne Ssabbiiti n'okuyita amakuŋŋaaniro, Ssisobola kugumiikiriza butali butuukirivu na kukuŋŋaana kwa ddiini.

Ente emanya nnyini yo, n'endogoyi emanya ekisibo kya Mukama waayo; naye Isiraeri tammanyi, abantu bange tebalowooza.

Emyezi gyammwe egibonese n'embaga zammwe eziragiddwa emmeeme yange ebikyaye, bifuuse mugugu gye ndi; nkooye okubigumiikirizanga.