Versículos Bíblicos Populares relacionados a Matiu 6

Tamogi tauna anani taniwaga po a dewa dumadumaluhi ona bibihena tahaehi yaka geka ginoulihi apo hina wigalimiyei.

Iyeta emosi po emosi a winugonugotuhu he memae amalai binei ma hoimalatom binei. Yaka amalai ega ona inugonugogotuhu hoi malatom binei.

‘Uyahinei a paliwelemi, ega ona genogeno omi mae hoi hipuli binei. Awai apo onꞌanani bo awai onꞌumumaya bo hinimi awai inꞌototeni ega ona genogenogeya. Matababana omi luyagohana hi geduma ma apoma aniani, ma hinimi hi geduma ma apoma kaleko.

Ma taumi omi houga lupali uyahina ona lui omi numa u hinehi po omi babanoya ona guduhi ma Amami uyahina ona laupali gowagowada. Omi lupali gowagowadahi Yaubada ina galehi po uyahinei omi meiha ina welemi.

‘Geka pitenana ona laupali ona pa, Amiyai, tam hoi yada e memae. Gowam to wiyateyateya. Om ani taniwaga una wogeleteya. Om nugotuhu to dewaya hoi hipuli mei yada tu miyena he dewedeweya pite.

I yam iyeta geka binei una weliyai.

I apapoe una paligigilihi po mei iyawoi tu wiapapoeniyai to paligigilihi.

Ma ega una palihaliyai po ludadana baneihi tona ialonihi. Ma apapoe uyahinei tam una haloiyai, [babana tam om ani taniwaga po om manini po om wasawasa amalai po houga tuwetuwenai. Moina.]

‘Apo taumi lawa hai apapoe ona paligigilihi yaka Amami hoi yada apo omi apapoe ina paligigilihi.

Heki, kiu ona galehi, tauhi ega hita laupehi po ega hita yaba po hoi hanali hita huhouna. Ma tamogi Amami hoi yada e ianianihi. Ma taumi o geduma ma apoma kiu.

‘Omi gapola ega hoi hipuli ona upupuma, matababana motamota po buda gapola he iapapoenihi ma tu danene apo hina lui po omi numa u hinehi omi gapola hina danenehi. Ma a dumalu ipa omi gapola hoi yada ona biheya, matababana hoi yada ega motamota po buda hita memae. Uyahinei omi gapola apega hina wiapapoenihi po ega tu danene hita memae. Ma meka hosi omi gapola he memeyana naka hosi apo nugonugomi hina mae.

‘Ega emoemotana tu bagibagi emosi babada luwaga ina poulehi. Matababana emosi apo ina wihinigigiyeya ma gehounana ina luhogaleya. Ma apo emosi ina latuya ma gehounana ina galena iapapoeya. Apega Yaubada ma gapola una poulena luwagehi.

Hiyamoni amalai e lauyagohana ma maliꞌinatom po amaka e nae. Hoi mayau heꞌmapugeya po e alalahi. Tamogi Yaubada tauna hiyamonihi galenahi e idewadewahi, yaka Yaubada omi kaleko dewadewahi apo ina wiotenimi? Omi witumagana hi habulu hota!

Ma taumi omi houga ombenena hougana ipa onꞌombenena gowagowada, po awala hinebawami a ombenena awala kehakehami ega ina hanahanapugeya po lawa ega hina gagalemi tamogi Amami omi aniꞌmbenena gowagowadahi ina galehi po uyahihiyei omi meiha ina welemi.

Yesu i baha meme i pa, ‘Hougana omi dewa dewadewahi ona dewahi ega ipa lawa u matahi po hina hunemi. Inapa omi dewa naka pitenana yaka Amami hoi yada apega uyahinei maiha dewadewana ona tuhagaya.

‘Hougana tapalolo binei ma ona iyohi, yaka ega tepami hina woapapoe po mei tu nugodubu. Naka tu wikoyakoyama hai dewa dumana babana galenahi hi wiapapoenihi po ipa hai wiyohi lawa hina hanapugehi po hina kawaidewedewehi naka hai meiha amaka he tutuhagahi. Ma taumi inapa tapalolo binei ona iyohi yaka ona itepaoga ma apalami ona ineulihi po galenami hina dewadewa lawa uyahihi po omi wiyohi lawa ega hina hanahanapugehi, ma u nugonugomi awai e memae Amami tauna tunawana ina hanapugeya po apo om maiha ina welemi.