Versículos Bíblicos Populares relacionados a Rano'a 2

Compartilhar

Yoma ORGAHI-ORHA'A ed mak kala kirkira-ralma rior samomuou. La' E' lirni pede o muat niohora haneka-harah wuawannu.

A'nu ne! Mua'ala a wniatu'tu-wniaye'u ri pa mhi'a la gahamu, totpena mhuoratreria a nnio'a-nia'tu ri la' o'a. Mutlin reria me mtia'wa reria tlinmu la a li'ru-tu'nu mak kodia kirkira-ralma riora samomuou, mtiekal pa mliernan memna pa muatga! A'nu ne! Mpuakwak rer mieman la Itmatromlawanni totpa mpual lia riy orkirkira-or ralma riora me muhaka pa muat muemna. Muhak hare de emeknekama muhak leli-maha, me emeknekama omrur lia re'a-tniaru wniahakni, maka ha rade' targa la tani nniahi ralamni. Emkade de hota omuat niohora la' talan emkameni pede ita'unni-tamta'ata tatlina-tatailla ORGAHI-ORHA'A, ne hota kirkirmu-ralma riormu naphyar pia muat niohora Uplerlawna-Mempulwatnu.

La'pa hameni nhiolli-lietni samoga, me nlola talla mak kaplele'era, de hota nlernana tniulla-sniayni la Itmatromlawanni, me E Nruwun reri ira. Yoma Itmatromlawanni de Natiak reri riy maka rhi'a-ryap die rlol talanni, me Nruwun reria riy maka ralamni nden rer lia E'a.

Yoma he' maka ralamni naplele'era hota hare er maka kholi-klet la'a noh maka Orgahi-Orha'a ha Nano'targa. Riy mak kden rer niek la plollolli wawannu de e' ed makdella tan die. Mere la'pa riy yatyata-halala hota Orgahi-Orha'a Nte'la nana pa Nwaliakra la lutur lawna to'orni la'a let de. Riy maka la' mormiorni de riy edon rpesiay etia de, de emeknekama wewan maka ha rwuh dioinia la' tan die.

Mere a'nu o' de hota mpuahak neka wniarora-wnialai mak kwatiaga Orgahi-Orha'a totpa muatu mpuayotlia patke' yatyata re yawirnu-yawewalli la o'a. Yoma patke' yatyat de edonna ndenrer lia hawni onni, yoma nhortapling oleka orgahani lirni maka nano' targ olek la Uplerlawna gaini ralamni.