Versículos Bíblicos Populares relacionados a Fakahā 22

Compartilhar

Ko aú ko e ‘Ālifa mo e ‘Ōmeka, ko e ‘uluakí mo e faka‘osí, ko e kamata‘angá mo e iku‘angá.”

Na‘e toki fakahā mai kiate au, “Vakai, kuo vave ‘eku ‘alu atú! Pea ko ‘eku ‘alu atú ‘o fakapale‘i e toko taha kotoa pē ‘o fakatatau ki he‘ene tō‘onga mo‘uí.

Ko e folofola eni ‘a e Laumālié mo e Ta‘ahine Ta‘ané, “Ha‘u ā!” Pea lea pehē ai pē foki mo e kakai kotoa ‘oku fanongo ki aí, “Ha‘u ā!” Ko koe ‘oku fieinua, ha‘u. Ko koe ‘oku fie inu ta‘e totongi he vai ‘o e mo‘uí, ha‘u ‘o inu.

‘E tāpuaki‘i ‘e he ‘Otuá ‘a kinautolu kuo fō ‘o ma‘a honau valá. ‘E ngofua ke nau kai mei he fua e fu‘u ‘akau ‘o e mo‘uí, mo hū ki he koló.

Ko e folofola eni ‘a Sīsū, “Fanongo mai! Kuo vave pē ke u a‘u atu! ‘E tāpuaki‘i ‘e he ‘Otuá ‘a e kakai kotoa te nau talangofua ki he ngaahi folofola fakapalōfita he tohí ni!”

He ‘ikai ke toe ‘i ai ha po‘uli, pea he‘ikai ke toe ‘aonga ha maama pe ko e la‘aá kiate kinautolu, he ko e ‘Eiki ‘Otuá ‘a honau māmá, pea te nau pule fakatu‘i ‘o ta‘e ngata.

Ko e folofola eni ‘a e toko taha kuó ne fakahā mai ‘a e ngaahi me‘á ni, “‘Io, kuo vave ‘eku a‘u atu!” Tauange ke pehē! Hā‘ele mai ā, ‘Eiki Sīsū! Tauange ke mou ‘inasi kotoa ai pē he ‘ofa ‘aufuatō ‘a e ‘Eiki ko Sīsuú.

Ko au Sione ‘oku ou fakatokanga mamafa atu ki ha taha pē te ne fanongo ki he ngaahi lea fakapalōfita he tohí ni. Ka fakalahi ‘e ha taha ‘a e ngaahi lea ko iá, pea ‘e fakalahi ‘e he ‘Otuá ‘a hono tauteá ‘aki ‘a e ngaahi mala ‘oku fakamatala ki ai ‘a e tohí ni. Pea ka to’o ‘e ha taha ha lea fakapalōfita mei he tohí ni, pea ‘e to’o ‘e he ‘Otuá hono ‘inasi ‘i he fu‘u ‘akau ‘o e mo‘uí, mo hono ‘inasi he Kolo Tapú, ‘a ia ‘oku fakamatala ki ai ‘a e tohí ni.