Versículos Bíblicos Populares relacionados a Loma 12

Compartilhar

Tomotoga fuedi fwayafwaya 'ana nuanua 'waidie i vebwaika, we'e 'omi kebu 'wa na vetutuyamediga. Taunimi 'wa na tauyemi Yaubada 'waineye nika yami nuanua i na 'ive'ivaudi, bega yami sauluva wata yami nuanua matatabuna i na vetuli. I na vetuliga nika 'ami fata 'wa na 'asetai ava'ai Yaubada nuanuana 'wa na 'idewai, yana nuanuanidi 'atumaidi wata tonovidi, yana 'eba sosoana.

Ekwavo, vona mogitana Yaubada yana 'isanuakalikali bwaikaotogina 'waideye begaidi a na vonemi. I lubwainemi nuanuaku tomogomi wata yami nuanua 'wa na tauyedi Yaubada 'waineye. Basenadi tomotoga yadi 'aisaya i nunawedi i nikenikedi mulieta i 'a'anivelenedi Yaubada 'waineye 'ana 'odu'odu faifaina. We'e 'omi tutuya matatabuna ma tomogomi taunimi 'wa na 'a'anivelenemi Yaubada 'waineye, yami sauluva wata yami folova magemagetadi, 'waidiega 'wa na kiavesosoani. De'e sauluvanina 'odu'odu yana 'eda'eda mogitana, begaidi i lubwainemi bani'odi 'wa na vevesauluvedi.

Ava'ai 'wa nuaniga mogitana 'awaie Yaubada i na velemi, faifaidi 'wa na sososoana, vita i na souyediga 'waimie 'wa na totokemaigemi wata tutuya fuedi 'wa na vevelu'ui.

Kebu i da lubwaineni sakona i na vetoketoke 'waimie, we'e mogitana yami sauluva 'atumaidi 'waidiega 'wa na vetoketoke sakona 'waineye.

'Omi 'wa luku Iesu yana 'Aila'a 'waineye, begaidi ma emiavo 'wa na vevenuakalikali mogitana wata 'wa na veve'ililibu, kebu 'aise'avami faifaimi 'wa na nuanua.

Kebu vaisebayega 'wa na nuakalikali, i lubwainemi 'wa na nuakalikali mogitana. Sakona matatabuna 'wa na vedumwe'ai'aiedi ma'itufa nani 'atumaidi 'waidie 'wa na vevetoketoke.

'Wa na vewavawava bega 'ai'edi 'ami fata sauluva bikanega 'wa na veveiana tomotoga matatabuna taiadi.

Ekwavo, 'ai'edi tomotoga i na vesauluva sakoina 'waimie kebu 'wa na tutuli 'alo 'wa na nuanua kuba faifaina, we'e mogitana sauluvanina 'wa na 'aniveleneni Yaubada 'waineye, taunina ma yana nuasako vematavuloga i na veledi. I na vematavulogidiga fai yana vona i 'eno'eno yana Buki nageneye i vo, Yau 'AUVEA, mewa 'ana to'ewa tomotoga yadi sakona faifaina, a na tutulidi."

Ma yami 'idumwebika 'wa na folofolova 'Auvea faifaina, kebu 'wa na 'abiawa 'wa na totokemaigemi.

Yaubada ma yana nuakalikali i venua'ivineku a vetomata'aulele faifaina, bega 'aitamogana 'aitamogana a na vonemi. Kebu i da lubwainemi ma yami nualaka taunimi 'wa na awa'ai'aimi, we'e mogitana 'wa na nuanua tonovina taunimi faifaimi, vetumagananina Yaubada i velemiga 'wainega taunimi 'wa na 'etowavami.

'Ai'edi tamu aitoi i na vesauluva sakoina 'waimie, kebu wata sauluva sakoina 'wainega 'wa na tutuli. 'Wa na vewavawava bega sauluvanidi tomotoga fuedi 'adi laubwaina 'wa na 'i'idewadi.

Matatabumi yami nuanua i na vesala, bega yami nuanua 'aitamogana 'wainega 'wa na miamia. Kebu taunimi 'wa na awa'ai'aimi, we'e ma yami nuaobu tomotoga-'avo'avovo 'wa na veianedi.

Kebu bani'odi 'wa na vesauluvediga we'e mogitana, 'ai'edi 'ami vita 'ana to'anivelena i na lasega, 'ani'ani 'wa na veleni, 'anigona i na lalaga, ufa 'wa na veleni. 'Ai'edi de'e bani'odi 'wa na vesauluvediga taunina yana sauluva sakoina i na nuani nika i na bunumayaga.

'Ai'edi egavo vita i na velemi fai 'omi Keliso yana tomotoga, kebu 'wa na yagaidi, 'wa na velu'uimo Yaubada 'waineye i na vesauluva 'atumaina tomotoganidi 'waidie. Egavo i sososoana, ma fuemie 'wa na sososoana, we'e egavo i nunuavita wata i 'we'we'welaga, ma fuemie 'wa na 'we'we'wela wata 'wa na nunuavita.

Emiavo tovetumagana nani 'ifwaidi 'waidie i na 'usaga 'wa na 'ivaisedi yami kukuayega. Wakawaka 'adi 'ivi 'wa na lubutubutudi i na lakawa 'waimie.

Tomogoda 'aitamogana we'e du'uda fuedi, yadi folova tulina tulina. Wata bani'odi 'ida Keliso du'una. 'Ida fueda, yada folova tulina tulina, siwe fai ta miave'itubama taunina taiadi, bani'odi tomogo 'aitamogana i souyeni. Ta luvetubamaga ta ve'ivaivaita kebu 'ana fata tamu du'u i na mia'eni.