Versículos Bíblicos Populares relacionados a NUJAOYABA 3

Compartilhar

Nai lah! derga kholei ha song hi ang derga dho du; sere ani khurang khe khna hi derga khru khade boni ha ang hapsing hi, bo jang baosi ang hor ni makham ji nang, bobo ang jang baosi ji ma se.

Ning khusi dangyaba buthu khe ang tharmai du, ning magainya, dungbo dungya. Ning magain khade magain so lah, dung khade dungso lah, bokhe ang nangjao du. Magainbo magain soya, dungbo dung soya, dungbru bru se bani, ning khe ang ani khuh ni phrang thukhla ma se.

Ang hamjaoyarao khede ang johi sibring re. Odebani gibi jang dong dada khah phin lah.

Ning khusi dangyaba buthu khe ang tharmai du, nai lah, saosibo khru phuyayaba derga khe nini sagang ha khru hi deng du. Khusi dang phuyaba bol nini ha khaisa dong ba, ning ani grao khebo mani du, ode ani bumu khebo ning dangkhlaiya.

Bo deyaba si khe ani khamthan ha ang jang baosi ang kham ri ma se. Angbo de dada ani bupha ni khamthan ha ang khamba lai ning.

Ning thibai la du, ang de gnang se, somphothi bang bi, musibo soya jaya ning, thikhabo ning dukhi se, khasao sisi suliya, muthai gana, langtha, khongja se thihi jar khe tharmai laya.

Khitha rao hi phura dukhu ajao mani ninthane ang grao riyaba khe ning khah ha deng bani, phirthi ha dongyaba khrip nai nai mani habsao khonglang ni basao ha nai naiyaba sophai ba ha, angbo ning khe sogo nang.

Sangga ning ang phaima se, nini Raja ni khrothu khe saosibo nini phrang lala phuya mane, ning jinis maiyaba khe hamsisi naiso lah.

Ning khusi dangyaba buthu khe ang tharmai du, ning gathang de thila du, thikhabo ning githi se. Thuyaba smao hi, nini khusi dangma thaoyaba thididihyarao khe rao ri lah, ning khusi dangyaba buthu khe ani Madai ni muh ha so kha thi hi ang nuya.