SALMOS 1
1
1Ba nez ẕen naken che bennen' bi ẕzi'e da' ẕzejní'igekle benne' wen da' ẕinnj ka' ḻe',
na' bi nake' toze ḻen benne' doḻa' ka',
na' bi žónḻene' tẕen benne' ka' ẕzóagake' Dios cheḻa'ale,
2san žebele' dan' žone' kan ẕchi'le X̱anžo Dios,
na' kan nak dan' wnnakze' Ḻe', dot ža dot yel ẕlab ḻaže'en.
3Benne' ni nake' ka to yag da' zoan žoa'a yegw,
da' ẕbian da' ẕix̱ chen ḻo byo' chekzen,
na' x̱lagen bi žasen.
Yógo'te da' žon benne' ni, želžój chawen',
4san benne' wen da' ẕinnj ka' kege ki zej nake'.
Zej nake' ka to laga' biž dan' žoa be'.
5Bi yežojgak chawe' benne' wen da' ẕinnj ka' kate' wchi'a ḻaže' Dios ḻégake',
na' bi chó'ogak benne' doḻa' ka' gan zej ndobe benne' chawe' ka' ḻaw Dios.
6Žaz ḻaže' Dios da' žongak benne' chawe' ka',
san da' žongak benne' wen da' ẕinnj ka' chen' ḻégake' gan kwia yí'gake'.
Obecnie wybrane:
SALMOS 1: zty
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2002, Wycliffe Bible Translators, Inc. All rights reserved.