1 ATHESALONIKE 3
3
1 #
Atũm 17.15. NĨ ũndũ wa ũguo, rĩrĩa twakĩremirũo nĩ gũcoka gweterera o tũkirĩrĩirie, tũkĩona arĩ wega tũtigwo Athene ithuiki, 2tũgĩgĩtũma Timotheo, mũrũ wa Ithe witũ na ndungata ya Ngai ya kũheana Ũhoro-ũrĩa-Mwega wa Kristo, nĩguo amuongerere hinya na amũũmĩrĩrie ũhoro-inĩ wa wĩtĩkio wanyu, 3nĩ getha mũndũ o wothe wanyu ndakae gũthũngũthagio nĩ mathĩna macio; nĩ gũkorũo nĩmũũĩ inyuene atĩ nĩmo twathĩrĩirio. 4Nĩ ũndũ-rĩ, o mbere, o hĩndĩ ĩrĩa twarĩ na inyuĩ, nĩtwamwĩrire atĩ tũtirĩ hĩndĩ tũtagathĩnio; na noguo gwagĩtuĩkire, ta ũrĩa mũũĩ. 5Nĩ ũndũ ũcio, rĩrĩa ndaremirũo nĩ gũcoka gweterera ngirĩrĩirie-rĩ, ngĩrekania nĩguo ’menye ũhoro wa wĩtĩkio wanyu, gũtigakorũo hihi atĩ mũgerania nĩaamũgeretie, naguo wĩra wa kwĩnogia ũrĩa twanaruta ũkaagio kĩene.
6 #
Atũm 18.5. No rĩrĩ, ariũ a Ithe witũ, Timotheo oka kũrĩ ithuĩ o ica-ikuhĩ oimĩte kũrĩ inyuĩ-rĩ, nĩaratũreheire ndeto njega cia ũrĩa mũtũire mwĩtĩkĩtie na mwendaine, aratwĩra atĩ nĩmũtũire mũtũririkanaga wega hingo ciothe, na mũkeriragĩria gũtuona rĩngĩ, o ta ũrĩa ithuĩ twĩriragĩria kũmuona inyuĩ. 7Twaigua ũguo-rĩ, o na twatũire tũiguĩte ũũru ngoro na twĩ na thĩna-rĩ, tũgĩkĩũmĩrĩrio ngoro nĩ ũndũ wanyu, tondũ wa ũrĩa mũtũire mwĩtĩkĩtie. 8Amu rĩu ithuĩ tũgũtũũra muoyo, inyuĩ mwatũũra o mũrũmĩte thĩinĩ wa Mwathani. 9Kaĩ tũngĩgĩcokeria Ngai ngatho ĩigana atĩa nĩ ũndũ wanyu, tondũ wa gĩkeno kĩrĩa gĩothe tũkenaga nakĩo nĩ ũndũ wanyu, twĩ mbere ya Ngai witũ? 10Ũtukũ o na mũthenya tũkĩragĩrĩria kũhoya atĩ nĩguo tũkonana na inyuĩ ũthiũ na ũthiũ, na tũmũhingĩrie ũndũ ũrĩa ũngĩkorũo ũtigaire ũhoro-inĩ wanyu wa gwĩtĩkia.
11Rĩu-rĩ, Ngai we mwene, o we Ithe witũ, na Mwathani witũ Jesu arotũrũngĩrĩria njĩra tũkinye kũrĩ inyuĩ. 12Nake Mwathani aromuongerera na amũkĩrĩrĩrie wendani wa kwendana o mũndũ na mũndũ ũrĩa ũngĩ, o na wa kwendaga andũ othe, o ta ũrĩa na ithuĩ tũmwendete inyuĩ; 13nĩ getha agatũma ngoro cianyu ciikarage irũmĩte wega, na ikorũo itarĩ na ũcuke na ii na ũtheru mbere ya Ngai, o we Ithe witũ, hĩndĩ ĩrĩa Mwathani witũ Jesu akoneka me hamwe na andũ ake othe aamũre.
Obecnie wybrane:
1 ATHESALONIKE 3: OGKBIBLE
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
©Bible Society of Kenya, 2019