1 ATHESALONIKE 1
1
1 #
Atũm 17.1. NĨ ithuĩ, Paulo na Silivano na Timotheo, twatũma marũa maya kũrĩ kanitha wa Athesalonike, ũrĩa ũtũire thĩinĩ wa Ngai Ithe witũ o na Mwathani Jesu Kristo. Mũrogĩa na Wega wa Ngai, o na thayũ.
2Nĩtũcokagĩria Ngai ngatho hĩndĩ ciothe nĩ ũndũ wanyu inyuothe, tũkĩmũgwetaga mahoya-inĩ maitũ; 3na rĩrĩa tũmũhoyagĩra twĩ mbere ya Ngai Ithe witũ-rĩ, nĩtũririkanaga ciĩko cianyu tũtegũtigithĩria, o iria ciumanaga na wĩtĩkio wanyu, o na mawĩra manyu ma kwĩnogia marĩa mũrutaga nĩ ũndũ wa wendani, na ningĩ ũrĩa mũkiragĩrĩria mũkĩĩrĩgagĩrĩra Mwathani witũ Jesu Kristo. 4Ariũ a Ithe witũ, inyuĩ mwendetwo nĩ Ngai-rĩ, nĩtũũĩ atĩ nĩmwathurirũo nĩwe, 5tondũ Ũhoro-ũrĩa-Mwega twahunjagia ndwakinyire kũrĩ inyuĩ ta arĩ o ciugo theri, no gũkinya wakinyire wĩ na hinya, na wĩ na Roho Mũtheru, na wĩ na ihooto itangĩthanganio; na inyuĩ nĩmũũĩ mĩthiĩre ĩrĩa twonekaga nĩ inyuĩ tũgĩthiĩ nayo nĩ ũndũ wanyu. 6#Atũm 17.5-9.Na inyuĩ mũgĩgĩtuĩka a kwĩgerekanagia na ithuĩ o na Mwathani, mwarĩkia gwĩtĩkĩra Ũhoro wake mwĩ na mathĩna maingĩ o hamwe na gĩkeno kĩrĩa kiumaga kwĩ Roho Mũtheru. 7Mũgĩgĩtuĩka kĩonereria kũrĩ andũ arĩa othe metĩkĩtie o kũrĩa Makedonia na Akaia.
8Tondũ rĩrĩ, Ũhoro wa Mwathani nĩũmemerekete uumĩte kũrĩ inyuĩ, na to Makedonia na Akaia gwiki, no rĩrĩ, ngumo ya ũrĩa mwĩtĩkĩtie Ngai nĩĩhurunjũkĩire kũndũ guothe; tũgakĩaga bata wa kwaria kiugo kĩngĩ o na kĩrĩkũ. 9Amu ha ũhoro witũ-rĩ, andũ acio nĩmaheanaga o ene ũhoro wa mũkinyĩre ũrĩa twakinyire naguo kwanyu; na wa ũrĩa mwagarũrũkĩire Ngai, mũgĩtigana na mĩhianano, nĩ getha mũtungatagĩre Ngai ũrĩa ũrĩ muoyo, na nĩwe wa ma, 10na mwetagĩrĩre Mũriũ oime Igũrũ, o ũcio aariũkirie akĩmũruta kũrĩ arĩa akuũ, nake nĩwe Jesu, ũrĩa ũtũhonokagia harĩ marakara marĩa magoka.
Obecnie wybrane:
1 ATHESALONIKE 1: OGKBIBLE
Podkreślenie
Kopiuj
Porównaj
Udostępnij
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
©Bible Society of Kenya, 2019