Popularne wersety biblijne z Kubhoka 9

Udostępnij

Nambo nitei nnyendelele kutama kupala ninnangi uhotolo ghango, na liina lyango nalitangachwa pannema gwoha.

Peniya, Bhambo Chapanga ngannobholila Mucha, “Nnyende kwa munahota Falao makannobholela, nenga Bhambo Chapanga, Chapanga jwa Akaebulaniya nilonge naha, ‘Malekekeye bhando bhango bhajhende bhakanyinamile.

Nganikomelikeye njwe, mwenga pamonga na bhando bhino kwa malwalo, na mangota ngankomelikilwe njwenjwe.

lubhoko lwango nalukoma ipugho hino kwa malwalo mu mighonda, ng'ombi hino na falache na maponda na ngamiya na mbuhe na mambelele. Nambo namaghanicha ipugho ya Akaichilahele na ipugho ya Akamichile, kupala mipugho jha Akaichilahele ikoto kuwegha.’ ”

Kilabho lichaa ngita lende, naneta hula ngolongwa jha maghanga na jhikoma jhe mu kilambo chuku Michile kuhumii mu kupanganwa kwake ade deleno. Ngohe nnaghila ipugho hino na chochoha chikibhii kung'onda makakibheke chehemo njelembo, hula jha maghanga nainkomela kila mundo na ipugho yaibhii kung'onda, yoha naijhomwika.’ ”

Na maliho gheniya naghabhaha lutukunda lujhojhoho na nalujhenela pa kilambo choha chuku Michile. Hele nakupitila mapute na gheniya naghatupa na kutolokana kubhehe ilonda kwii kwa bhando na ipugho, kila chehemo pakilambo chuku Michile.” Bhahe ngabhatola liho mulitanule na kujhema palonge jha Falao. Mucha ngaghataghila kunane, na mapute ghene ngaghapita muyegha jha bhando na ipugho.