Popularne wersety biblijne z Tateta 34

Udostępnij

E Yauwe ivatabale matagu goi italavaita idigo kana, ‘Yauwe, Yau Yauwe. Yau Yaubada nuwokaapisigu be kanuuwoiigu. Ameesayágana. Guna lokata ivakaigaga be nakae Yau aba numisa toigu. Guna lokatayana tomota yaidi ikaiyako vata. Tomota idi tapepeko, idi kadoinana be nakae idi bágala anuwootaoidi. Go tomota madi tapepeko anuwokavatedi, e bei natudiyao, tubudiyao be natudiyao adi liuna avinidi.’

U, taabu kovaatugūyala kokanakabobo basaleliu yaina. Moe moitamo. Yau Yauwe yoigu Tovakókala; Yau Tokavavágana vakookoligu.

E Yauwe idigo kana, ‘Kunōve. Kom mam bodao bei akanasiukoimi. Im bodao Isileli tubunao liliudi matadi goi bei guna kaba kainaopa aguinuwedi. Aba kainaopayadi geya vatau tayaamo ame poyapoya ana madabokina goi iguinuwedi. Boda liliudi yaim goi sikaaiyaka bei sigite guna guinuwa, e sopadi akaupatudi. Dogoiyana Yau aguuinuwe yaimi moe dogoi gagaina.