Popularne wersety biblijne z Rm. 12

Udostępnij

Bui numakere kam ka taikapolak nene, tapoi kau isili galai tubumui kalulut katubabau paraboatmui, bule ioi nupabaggei kam kipa obaket Taikamanua: apa simaeru, simateu ka Taikamanua samba simasun eru.

Oto ka kam sasaraina ka nuntut bagat Taikamanua, bule nubuluake kam tubumui kele buluakenen sipuririmanua, sipunenan samba obaket Taikamanua. Nenda te pususurumui sipulelek.

Pugora kam baga ka pukakaronan, muom baga ka bagat pugejaat baga, kau mariuriu paninindoumui.

Bui ikalaake kam sikatai, kalaake le kam sikatai ka pasigagalaiakemui simaeru.

Kau nupanuntu kam baga pasasambamui samba paruei kam masikau paroroiat.

Bui patajuat punununtut baga! Kasitsitnake le kam sikatai, puottot kam ka simaeru.

Ke momoi, teret siooi, paaban kam ka sangamberi sirimanua.

Sasaraina kilibet baga, bui tubumui masilumun, tapoi kau le kam oggak ka golut Taikamanua, atusuratnakean poi ka Surat Sipunenan, “Aku le sibakkat pasilumunan, aku le masilulumunake,” ngangan Tuhan.

Bui ipagulai ngamangmui, kau ipujuluu ketsatmui samba puuku kam si Tuhan.

Siripot kiliu bagat Taikamanua siniloku, kukua ka senemui: Bui makope nubuakngake kam tubumui saliu ka siripokatnia, ka epet paatuat le paatu kam tubumui; senemui masipaatu siripot beunan tonem baga, sipanguruatnakenen Taikamanua ka kam.

Ba sisiliake kam sikatai silit sikatai; simaeru le galaiake kam ka sangamberi sirimanua.

Kau sikere paatuat kam pasasambamui; ba bebesiake kam buak, pakereake le kam tubumui ka simaepe. Ba addeake kam tubumui simaagai.

Tapoi ke malaje saggaknu, kau kannia, ke maoggou nia, kau lonia. Ke kisedda nugalai, anukauan nia maila.

Sukatnake kam sia sikukuru kam, sukatnake kam, ba patetelei kam sia. Puangka kam baga pasamba sipuaangka baga, pusou kam pasamba sipusosou.

Rom kam masikau simagulai ka sia sipunenan samba besiake kam masirauma.

Aipoi kele ka tubuta maigi laddou, tapoi ta makere galajetda senen laddou tubu. Kisedda leu te sita, kenanen maigi sita, sara tubu le ka bagat Kristus; sita senenta geti laddou le sita pasasambata.