Popularne wersety biblijne z 2 कुरिन्थियों 1

Udostępnij

असेड़ै प्रभु यीशु मसीहरै पिता परमेश्वरेरी महिमा भुईया, जै दयालु पिता आ जां जै असेड़ि हमेशा मजत काता। परमेश्वर असुनि असेड़ि सारी परेशानियां मझ मजत काता, ताकि असै होरनियां केरी मजत करि सकिया, जिहीं सैक्या असेड़ि मजत काता।

केईनी कि जिहीं असै दुख सहन कातै अत्तै, तिहियें यीशु मसीह बि दुख सहन क्यौरै अत्तै, जां तिहियें परमेश्वर असेड़ि यीशु मसीहरै जरियै होरी जादा मजत काता।

जां असै ऐ समझतै थ्यै, कि असै मरने बाऐ अत्तै। ऐ ऐठणीरै तेईनी भूं, कि असै ऐपु पन ना; पण परमेश्वरा पन भरौसा रखिया, जै मौरा मैहणुवां बि जींतै करि दींता।

परमेश्वर ऐ आ, जै तुहां सिंउ असुवां बि मसीह मझ मजबूत काता। परमेश्वरै असु पन अपड़ि मौहर ला-करि सारै तौरा पन अपड़ि आत्मा असेड़ै दिला मझ रखि करि असैड़ा अभिषेक क्यौरा।

अगर असै दुख सहन कातै, ता ऐ असुनि शांति जां असैड़ा उद्धार भूंणेरै तेईनी आ जां अगर असुनि शांति मेईंती ता, ऐ ऐठणीरै तेईनी आ, कि असै होरनियांनि बि शांति दी सकिया; जेठणीरै प्रभावे ला तुवे सब्र सिंउ तैन्हांं दुखा सहन करि सकिया, जैन्हां असै बि सहन कातै अत्तै।