Popularne wersety biblijne z NAANAA 17

Udostępnij

Kũ Abramu kà wɛ̃̀ basɔɔro donsari, Dikiri bò à sùa à pì: Luda Gbãnasĩndapinkiden ma ũ. Ǹ táa o kũmao ǹgɔ̃ kun taari sari.

Onigɔ̃ pinnɛ Abramu doro, sé Ibrahĩ, zaakũ mani n kɛ buri dasinɔ dizi ũ.

Ma bàka nigɔ̃ kú kũnwo kũ n burinɔ ari gɔrɔ sĩnda pínki. Manigɔ̃ de n Luda ũ kũ n burinɔ n gbɛra.

Lákũ ma bàka kú kũnwo nà, ĩni gɔ̃ buri dasinɔ dizi ũ.

Luda pì: Yãpura n nanɔ Sara ni nɛ́ i gɔ̃gbɛ̃ ũ, ĩni tɔ́ kpánɛ Isaaku. Ma bàka nigɔ̃ kú kãao kũ a burinɔ ari gɔrɔ sĩnda pínki.

Mani Kanaanɔ bùsu kũ ń kú a gũn nibɔ ũ kpámma pínki kũ n burinɔ n gbɛra, de ògɔ̃ vĩ gɔrɔ sĩnda pínki, manigɔ̃ de ń Luda ũ.

Akũ Ibrahĩ wùtɛ a nɛ̀sɛlɛ kutɛna Luda arɛ à yáa dɔ̀ à pì a nɛ̀sɛɛ gũn: Gbɛ̃ kũ à kà wɛ̃̀ basɔɔro ni nɛ́ i yá? Lákũ Sara kà wɛ̃̀ basiikɔ̃ akuri nà, ani nɛ́ i yá?

Akũ Luda ɛ̀ra à pì Ibrahĩnɛ: Ǹsun pi n nanɔnɛ Sarai doro, ǹgɔ̃ pinɛ Sara sà.

À tɔ̃̀ zɔ̃ ma bàka kunna kãáo sèeda ũ.

Bee kũ abireo ma bàka kunna kũnwo ni gɔ̃ Isaakuamɛ. Ziki mandara'i Sara ni a i.

Séde n buri nɛ́gɔ̃gbɛ̃nɔ tɔ̃̀ zɔ̃ ń gɔrɔ sɔraakɔ̃de zĩ ari ń buria, nɛ́ kũ ò ń í n bɛanɔ kũ zĩkɛri kũ ò ń lú buri pãndenɔanɔ ń pínki. Ò a ì n bɛan yá kesɔ̃ ò a lù zĩkɛri ũn yá, sé à tɔ̃̀ zɔ̃. Abire nigɔ̃ de ma bàka kunna kãáo gɔrɔ sĩnda pínki sèeda ũ á mɛ̀ɛa.