Popularne wersety biblijne z AHIBIRANIA 1

Udostępnij

Nake we, tondũ wa ũrĩa akengete, nĩonithanagia riri wa Ngai, na nĩwe mũhianĩre kũna wa ũrĩa Ngai atariĩ, na ningĩ nĩwe ũtiiragĩrĩra indo ciothe na kiugo gĩake nĩ ũrĩa kĩĩ na ũhoti. Ũcio-rĩ, aarĩkia kũhoroheria andũ mehia, agĩikara thĩ guoko-inĩ kwa ũrĩo kwa ũrĩa Mwene-Ũkaru o kũu Igũrũ.

NGAI ũrĩa waaragĩria maithe maitũ matukũ-inĩ ma tene na tũnua twa anabii, akaaragia na ikĩro nyingĩ na njĩra nyingĩ-rĩ, o matukũ-inĩ maya ma kũrigĩrĩria nĩatwarĩirie ithuĩ na kanua ka Mũriũ, ũrĩa aatuire mũgai wa kũgaya indo ciothe; o nacio thĩ ciothe aaciũmbire na njĩra ya Mũriũ o ũcio.

Githĩ acio othe tio maroho marĩa matungatanagĩra, magatũmwo mateithanagie, nĩguo andũ monage ũteithio, o arĩa makiriĩ kũgaya igai rĩa kũhonokio?

Na ningĩ-rĩ, Wee, Mwathani, o kĩambĩrĩria-inĩ nĩwaarire gĩtina gĩa thĩ, O narĩo Igũrũ-rĩ, no wĩra wa moko maku. Icio no gũthira igathira: no wee nĩ gũikara ũgaikara o ho; Nacio ciothe nĩ gũkũra igakũra itambuthĩke o ta nguo.