Popularne wersety biblijne z Johani 14

Udostępnij

“Kudikha na kusiya kwanu, na mi ninga kudikha kwangu. Kha ni mi ningi kufana ni ti ditiko di ningisako tona. Mbilu yanu yi nga karateke, hambi ni kuthava.

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

“Timbilu tanu ti nga karateke: Kholwani ka Txizimu, mi txi kholwa ni kwangu.

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Awule a nga amukela milayo yangu a txi yi veketa, eyo ngene a ni randako; se awule a ni randako, a na randwa ngu Tate wangu. Se nani ni na mu randa, kambe ni na ti wonekisa kwakwe.”

Se ani ni na kombela ka Tata, ti to ene e mi rumela mmwani Mthaveleli, kasi e ta zumba ni nanu yotshe mbimo, i ku Moya wa ditshuri, awu ditiko di si sikotiko ku wu amukela, nguko kha di wu woni, kambe kha di wu zivi. Anu ma wu ziva, nguko wu zumba ni nanu, kambe wu mndani kwanu.”

Se sotshe si mi no kombela ngu ditina dangu, ni na si maha, kasiku Tate e dhumiswa ka Mwanana. Kungako mi txi kombela txo maha ngu ditina dangu, ni na txi maha.”

“Ngako mi txi ni randa, mi na veketa milayo yangu.

Mtini ka Tata ku ni makhalo amangi. Idiku i si nga toneto, nga ni di mi gete. Na tsula kuya mi lulamisela wukhalo.

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Tomasi a to womba kwakwe, a txi khene: “Mkoma, athu kha hi kuzivi emo uyako kona; hi nga yi zivisa kutxani nzila kani?”