Popularne wersety biblijne z 2 Korintus 4

Udostępnij

Dahi, daia' kita' tapihki' liu yato aka ang landa' diita. Ampo' ang tapihki' liua' dianto ang dai landa' diita. Aka' yatoo ang landa' diita kaha-kaha sämpäi' supu. Ampo' yato ang dai landa' diita, dianto ang la lambi' sapano-panona.

Dianto anna daang mono' inaha. Moinnakato anna tuhtuang malammai bätäng kalaeki', ampo' allo-allo si dipamatoho lolo inahangki'. Kamadahhaang ang kioloi dinoa dianto kamadahhaang sämpäi' supu anna mahingang. Anna aka' sa'bara'ang menge ungngolai inde kamadahhaang, lambi' la untahimboang kamatandeang ang la lambi' sapano-panona. Yato kamadahhaang ang kiolai dinoa dai umba sama ke dipasiitai yato kamatandeang ang la kitahimbo di allo ang la sule.

Pemmai'diang ungngolai kamadahhaang, ampo' dai dioatee lambi' la madahha liuang. Si aha tempona dai kiinsang aka la kibabe, ampo' dai aha mono' inahangki'. Mai'di balingki', ampo' naposolai loloang Dehata. Aha si mambambaang lambi' tisulungngang ampo' malaang ke'de' sumule.

Dai aha ang mantondong yato kakuasaanna ang mengkähäng yaling di inahangki', aka' nabeaang Puang Alataala ballona ang la kibaha. Ampo' tau biasa touang kami'. Sinnoaang supu kohing tampo, ampo' napangngihsiang aka-aka ang masu'li'. Lambi' maleso pano di ingkänna tau dioatee kakuasaang ang kitokei sule yaho mai di Puang Alataala, tadia kakuasaang kalaeki'.

Pihki'na tau ang noa yatoo hali nabutai Pongkahana setang ang ma'kuasa yaling inde di lino, lambi' dai sika umpetahpa' Kaheba Mapia. Kamabayaang ang sule di hao mai yato di Kaheba Mapia dai mesilo tama di inahannaii, lambi' dai sika ungnginsang kamatandeanna Kristus ang mepaitai didiona Puang Alataala.

Naonge anna napadahii Puang Alataala langi' anna lino ma'kara naoatee, ”Dahio mabaya yaling mai di kamalillingang!” Anna Puang Alataalantoo ang umballoi inahanta lambi' mala tainsang kamatandeanna ang mesilo yaling di lindona Kristus.