Popularne wersety biblijne z Kalappasam 8

Udostępnij

Ingganna to si ma'issam-issam dio Mesir napasusii duka' umpake pa'issanganna, sapo' tä' ia mala. Susim too kasisi' londä ullebo hupatau sola olo'-olo'. Iya ma'kadam indo to si ma'issam-issam lako Firaun naua: <<Indee, kuasanNa Puang Allataala.>> Sapo' makahha' mandi penabanna Firaun, anna tä' naaku umpehingngii Musa sola Harun, umba susi puha napokada DEBATA.

Mane ma'kadai DEBATA lako Musa naua: <<Laoko pellambi'i Firaun anna muuaanni: <Susi inde battakadanNa DEBATA: Pabäi le'ba' umma'Ku, anna mala menomba dio oloKu.

Sapo' tappana hoha' nasi'dim Firaun, iya umpomakahha' oom sule penabanna, anna tä' naaku umpehingngii Musa sola Harun umba susi puha napokada DEBATA.

Maka' tä' umpabäi le'ba', iya la kupahuai pesämbä' paluäna botto litä'mu, kupakende' tongko' buda.

Iya ma'kada oom DEBATA lako Musa naua: <<Uaanni Harun, pessämbäsanni tekkemmu dokko sobä', iya la mengkubalimmi too indo sobä' mendadi kasisi' londä illaam paluäna Mesir.>>

Iya napalakom DEBATA umba susi puha natula'. Lambi' sasuleammi tamboli' buda mentama banua kahajaanna Firaun, sola banuanna to mengkähäna, anna ussamba lembäna Mesir. Tä' deem pada samasussa pa'lembängam ia too, napobua' indo tamboli' buda.