Popularne wersety biblijne z Sáŋa 6

Udostępnij

Yésusu go bó oyana a amɔ́: «Yɔmɔ́ɔ mɔ́ɔ ndɔ́mɔ́ gɛlɛ́dɛ gá gɛɔyɔ; mɔ́ɔnyɔ u úlemú naá yɔmɔ́ɔ, a dɛ ŋgá bɛa ncaná; mɔ́ɔnyɔ a ágamɔ́ odɛ́má yɛ́hɛ́ naá yɔmɔ́ɔ a dɛ ŋgɔ́ ɔ́bɔ inyúidi akɛ́ go buisí.

Bó lɔ́mɔ́ Giliíli ba Asaŋa a gɛ́ fáananamɔ́ gɛɔyɔ, nnyɔ́dɔ ɛ dɛ dúgúnée go boóma. Dogálɔ dɔ́ɔdɔ mbáá ná nyó oyáná dó lɛ́ Giliíli, dɔ́ɔ gɔnɔ́ gɛɔyɔ.

No do yɔgɔ́nɔ́ɔ go manyáanya máama má dɛ́aŋanamɔ́, kanɛ́ yɔgɔ́nɔ́ɔ nɔnɔ go manyáanya máama má gɛ́gamɔ́, má fáanana gɛɔyɔ gá kanɛ mesúge. Má lɔ́mɔ́ máama Moɔnɔ́ ba mɔtɔ a ŋgaá nyó fáá, goakɛ́ a lɔ́mɔ́ mɔ́ɔ Baaba Asaŋa a mbaá mo fáá gibélincígínyí gá nɛgaŋa nɛ́hɛ́.»

Ndɛ́ga ya Baaba ɛ lɔ́mɔ́ goŋaá: mɔ́ɔnyɔ ɛ ɛ́namɔ́ Moɔnɔ́, a gunde a ága odɛ́má naá mɔ́ɔ, a bɛa gɛɔyɔ gá kanɛ mesúge; kɔ́ɔ yɔmɔ́ɔ nná mo fúfune naá buisí bá mesúgidinye.»

Yésusu go bó gundie a amɔ́: «Buelí bá Asaŋa bó lɔ́mɔ́ goŋaá no ága odɛ́má yɛ́nyɔ́ naá mɔ́ɔnyɔ mɔ́ɔ a mbaá mo dómá.»

Biimée báaba Baaba a ncoononomú, bá ŋgu úlé naá yɔmɔ́ɔ, kɔ́ɔ mɔ́ɔnyɔ a ŋguú úlé naá yɔmɔ́ɔ, cɛ ŋgá mo inye

Símono Píele go mo gundie a amɔ́: «Daadáa, dɛ gaá nɛ́ ɛ́dá naá ánɛ́ɛ, maamɔ́ɔ mɔ́ɔ o bɛananamɔ́ dogálɔ dɔ́ɔdɔ dó fáananamɔ́ gɛɔyɔ gá kanɛ mesúge.

«Ndɛ́ gɛlɛ́dɛ gá mammana ya gɛɔyɔ; gɛ́ ɛ́damɔ́ go úlene naá mmoɛná. Mɔ́ɔnyɔ a ŋgaá gɛ́ nyáá, a ŋgɔ ɔyɔ́ɔ bɛcamɛna biimée. Kɔ́ɔ gɛlɛ́dɛ gɛ́ɛgɛ ka ŋgaá fáá, bó lɔ́mɔ́ nnyɔ́dɔ yamɛ; nyɛ íŋene goŋaá batɔ bá bɛa mammana ya gɛɔyɔ.»

Mɔtɔ akɛ́ ba ummue a dɛ bósó ba go úle naá yɔmɔ́ɔ aáŋa Baaba mɔ́ɔnyɔ a lɔ́mɔ́ tómáalú a dɛ mo bɔ́gɔ́gɛ́dɛ́nɔ́. Yɔmɔ́ɔ kanɛ́ ndɛ go mo fúfune naá begúe naá buisí bá mesúgidinye.

Ɛɛ́ɛŋ, gɛlɛ́dɛ gɛ́ɛgɛ Asaŋa a fáananamɔ́ gɛ́ lɔ́mɔ́ gɛ́ɛgɛ gɛ́ ɛ́damɔ́ go úlene naá mmoɛná, gɛ́ fáanana batɔ bá cí gɛɔyɔ.»

Ndɛ́ gɛlɛ́dɛ gá mammana ya gɛɔyɔ.

Gɔ́ɔ Yésusu a gɔ́lɔmɔ́ bɛlɛ́dɛ, a báá béhiigí Asaŋa, go ɛ́da go abana batɔ bɔ́ɔbɔ. A báá ŋaáa nɔ́ɔ caŋa mmue na moɔbɔ́, a báá bó fáánánáa aŋa bá mbaá lɔmɔ́ bá lɛ́galɛga. Aŋa batɔ bá mbaá nyáányáa bá báá hóógío, gɛ́hɛ́ go oyana behúúní bɛ́hɛ́ a amɔ́: «Bándɛ́gɛ́na nɔnɔ bigísi bɛ́ɛbɛ bɛ́ síenemú, goŋaá boóma bó do yímé.»

Behúúní bá mbaá ŋá bá báá go bosa gilué boóma bá kílo mɛ́da ɛ́táanɔ, akɛ́ ɛ́táanɔ na mmue, gáábɔ́ go ɛ́na Yésusu ɛ ɛnda naá miimpo mmoɛná a báyɛkana gilué. Gɔ́ɔ bá gɔ́lɔmɔ́ bofoá, kanɛ́ gɛ́hɛ́ go bo oyana a amɔ́: «A lɔ́mɔ́ yɔmɔ́ɔ, no do bɛáa bofoá.»