Popularne wersety biblijne z Avalumi 6

Udostępnij

Pakuva amahombo ga inzanangifu ye fwa, neke ikipelwa cheitawula Nguluvi we wumi wa mbepali mukuva kinu kimwi na Kilisito Yesu Umutwa vetu.

Pakuva, inzanangifu sisasivatema nyenye kangi, pakuva simulipasi ya indagilo, pesi ulwa mulipasi pa uwuwuya.

Twavelige twibatisiwa twahanzile mufwa yakwe, nu kutagwa pamwinga nave, sambi ndawe umwene Kilisito lweasilibwike uluhuma kuvafwe ukukola ikipigo ikinyandolo cha udade, sambi nahwe tuve na imigendele imipya.

Mulatawula nambi ikigawa muvili chenyu sambi kipigikage mu wanangifu na inzanangifu. Ulungi na lulo, mwitawulage yinyenye kwa Nguluvi nda avanu vevasilibwike uluhuma kuvafwe, muwuhumyage uwunu wenyu mbewuli kwa Nguluvi ukwimila uwugolofu.

Tukulukagula ulwa uwunu wetu uwulovela watumbikwe pamwinga na Kilisito sambi wula uwunyanzanangifu wanangwe, sambi tulemwe ukuva vanyawingi va inzanangifu.

Lino, lwindahihyo na nyenye luvavaje mwikagulage ulwa kulubali lwa inzanangifu yemufwe, neke yemuve mwi wumi mu wulilumwi na Nguluvi ukukola kwa Kilisito Yesu.

Sweno, tutigile ndawuli? Ngali tuvelage petugina ukwikala munzanangifu sambi uwuwuya wa Nguluvi woloke? Nangi na ludodo hela! Kulubali lwa inzanangifu hwehwe yetufwe, luva ndawuli tuvelage petugina ukwikala kangi mu nzanangifu?

Mukulukagula ulwa wone mwitawule yinyenye nda mwivanyawingi nu kumogopa umunu yungi, mwiva nachene mwivanyawingi vakwe umunu yuyo. Na apangi mwiva vanyawingi va inzanangifu, na chekiwoneka baho ye ifwa, na apangi mwiva vanyawingi vaichoga, na chekiwoneka ipo kwe ukuwuyapwa ukuva vagolofu.

Nambi pamwandi mwe mwivanyawingi va inzanangifu, neke lino ngumulumba Nguluvi mukinatye kwa inumbula mbeyili uwulagile na inzigiso semukanuche. Mwakombolilwe ukuhuma mu wunyawingi wa inzanangifu, nu kuva vanyawingi va uwugolofu.